11 нче март көнне лицей китапханәсендә “Милли тәрбия – халкым мирасы” темасына күңел кылларын тибрәндерерлек җылы очрашу үтте. Әлеге түгәрәк өстәлдә лицейның директоры Фирдәүз Вафина, тәрбия эшләре буенча директор урынбасары Халидә Таһирова, укыту эшләре буенча директор урынбасары Рәфия Хөснетдинова, китапханә мөдире Зөләйха Миңнуллина, татар теле һәм әдәбияты укытучысы Рәзинә Кәлимуллина, инглиз теле укытучылары Диләрә Миргалиева, Миләүшә Шәнгәрәева, КФУ профессоры, Татарстанның халык артисты Миңгол Галиев, 149 нчы лицейдагы “Чулпан” театр студиясе җитәкчесе, Татарстанның атказанган артисты Фернат Насыйбуллин һәм “Мәгариф” журналының җаваплы сәркатибе Альберт Сабир катнашты.

Балаларга тәрбия бирү,чыннан да киңкырлы эшчәнлек нәтиҗәсе:ул музыка, театр, музейлар, спорт һәм патриотик чаралар, дәресләр, класс сәгатьләре, күңелле очрашулар, бәйрәмнәр аша тормышка ашырыла. Теләгебез уртак: халкыбызның еллар буе тупланган бай мирасын югалтмыйча яшь буынга тапшыру.

11 марта в библиотеке лицея прошла встреча с сотрудниками журнала “Магариф” на тему “Национальное воспитание – достояние народа”. Встреча прошла в теплой и дружественной обстановке.