17-20 нче апрель көннәрендә шәһәребездә татар теле һәм әдәбияты буенча Халыкара олимпиада булды. Әлеге бәйгедә республикабыз мәктәпләрендә укучы балалар гына түгел, төрле регионнардан: Киров, Омск, Пенза, Төмән, Пермь, Оренбург, Ульяновск өлкәләреннән, Мордовия, Чувашия, Удмуртия, Башкортстан һ.б. республикалардан килгән 8-11 нче сыйныф укучылары, филология һәм башка юнәлешләр буенча һөнәри белем алучы студентлар көч сынашты.  Татар мәктәпләрендә укучы татар балалары арасындагы бәйгедә безнең лицейдан 11 нче сыйныф укучысы Ситтыкова Эльвина һәм 10 нчы сыйныф укучысы Комарова Айгөл катнашты. Алар бәйгенең беренче көнендә татар теле һәм әдәбияты буенча биремнәргә җаваплар язды, икенче көнне “Минем шәҗәрәм” дигән темага үзләренең проект эшләрен якладылар. Ситтыкова Эльвина - җиңүче, Комарова Айгөл призер дипломнарына лаек булдылар. Кызларны әлеге уңышлары белән чын күңелдән котлыйбыз, аларга алга таба зур уңышлар юлдаш булсын! Кызлар, лицеебызның йөз аклыгы сез! Рәхмәт сезгә!

Поздравляем Ситтыкову Эльвину, ученицу 11-го класса с абсолютной победой, Комарову Айгуль, ученицу 10 класса со вторым местом на Международной олимпиаде по татарскому языку и татарской литературе. Хана Хайдаряновна, Разина Шайдулловна, вам огромное спасибо!Так держать! Молодцы!