Республика “Иделкәем” балалар һәм яшьүсмерләр театры һәм курчак театрлары коллективлары конкурсына 149 нчы лицей каршындагы ”Чулпан” театр студиясе Т.Миңнуллинның “Иптәш командир” спектаклен тәгъдим итте. Әсәрне сәхнәгә куючы - “Танкодром” балалар иҗаты үзәгенең югары квалификацион категорияле өстәмә белем бирү педагогы - Фернат Фәрит улы Насибуллин.

6 ”А” сыйныфы укучылары: А.Насибуллов, Н.Тимиров, М.Фатыйхова, Р.Галиев, К.Шакирзянов, Л.Гомәрова, И.Гафуров, Ф.Әлмиев һәм Ә.Нуруллиннарның уены күпләрне сокландырды. Татарстанның атказанган мәдәният хезмәткәре- Камил Саттаров, Татарстанның атказанган сәнгать эшлеклесе- Рәдиф Сәгъди һәм Совет районының мәдәният бүлеге башлыгы- Талия Ахметшина составындагы мәртәбәле жюри спектакльгә югары бәя бирде. Т.Миңнуллинның “Иптәш командир” спектакле  Республика буенча катнашкан 64 театр коллективлары арасыннан “Иң яхшылар” рәтенә керде. Әфарин, яшь артистлар!