5 декабрьдә лицейда “Яктылык -  кояш янында, яхшылык  - әни янында” гаилә проектлары бәйрәме узды.  Иҗат бәйрәме мәктәп ашханәсендә һәм фойеда оештырылган мастер – классларбелән башланды. Һәр гаилә үзе сайлаган проектны яклады, ә нәтиҗәләре искиткеч иде. Ашханәдә әниләр үзләренең кызлары – уллары белән бергәләп үз ризыклары,аларны пешерү серләре белән таныштырды. Экологик чиста икмәк, натураль шоколад, чәкчәк,кыстыбый,кош теле, өчпочмак, тортлар, пироглар әзерләнде. Ә фойе зонасында оста әниләр кул эшләре белән шаккатырды: керамикадан йорт җиһазлары, бант ясау серләре, шарлардан чәчәкләр ясау, бизәү үзенчәлекләре һәм тагын күп төрле проектлар тәкъдим ителде. Бәйрәм актлар залында әдәби – музыкаль проектлар белән дәвам итте. Әниләр көненә багышланган чарабыз чын гаилә бәйрәменә әверелде, җылысы алга таба эшләргә-яшәргә көч өстәде, илһамландырды!