21 март көнне 9 б сыйныфы укучысы Хисмәтуллин Данис “Ялкын” журналы “Лидерлар мәктәбе” проекты кысаларында Татарстан Республикасы Мәгариф һәм фән министры Борханов Рафис Тимерхан улы белән кызыклы очрашуда катнашты. Бу хакта язманы “Ялкын”журналының апрель санында укый аласыз.

     19 мартта 1 нче сыйныф укучыларын китап һәм китапханә белән якыннан таныштыру булып узды. Алар "Яшь китап укчылар" сафына кабул ителделәр, китапханә кагыйдәләре белән таныштылар. Соңыннан узләре укырга теләгән китапларны өйләренә сайлап алдылар.

     18 марта в лицее прошли занятия с Мударисовой Лилией Масгутовной - ведущим специалистом отдела профилактики территориального управления в г.Казани ГБУ "БДД" на тему «Безопасность во время весенних каникул».

     16 март көнне Казан шәһәре Г.Ибраһимов исемендәге 17 нче татар гимназиясендә узган Галимҗан Ибраһимов истәлегенә багышланган X республика фәнни-гамәли укучылар конференциясендә 9 Б сыйныф укучысы Габдуллаҗанова Адилә татар һәм инглиз телләрен чагыштыру фәнни-гамәли эше белән I урынга лаек булды. Адиләне һәм фәнни җитәкчесен Миргалеева Диләрә Рафат кызын җиңүләре белән котлыйбыз, аларга киләчәктә дә зур уңышлар телибез!  

15 нче март көнне 24 нче мәктәптә “ Фән дөньясы”  ачык гамәли конференциясе үтте. Лицеебыз данын 8 нче в сыйныфы укучысы Гаптрахманова Нурания яклады. Ул  Ә.Еники, В. Распутин  әсәрләрен чагыштырып, “Психологизм осталары” дигән темага чыгыш ясады һәм 3 нче урынга лаек булды. Без Нуранияне җиңүе белән котлыйбыз, алга таба да уңышлар телибез. Аны  әзерләгән татар теле укытучысы Әхмәдҗанова  Зөлфия Рәис кызына рәхмәтебезне белдерәбез.

11-14 нче март көннәрендә Казанда “Ел Укытучысы – 2019” бәйгесенең йомгаклау этабы узды. Чит төбәкләрдән (Мордовия, Чувашия, Башкортстан, Марий Эль республикаларыннан; Киров, Пермь, Пенза, Оренбург, Төмән, Ульян, Новосибирск өлкәләреннән) килгән татар теле һәм әдәбияты укытучылары 149 нчы лицей  базасында көч сынаштылар – һөнәри осталыкларын күрсәттеләр. “Иң яхшы татар теле һәм әдәбияты укытучысы” исеменә лаек булу өчен, укытучылар  биш сынау: дәрес, сыйныфтан тыш чара, мастер класс үткәрделәр, белем проекты якладылар, педсовет утырышында катнаштылар. Искиткеч матур дәресләр, сыйныфтан тыш чаралар, мастер класслар күрсәтеп, чит төбәкләрдәге татар теле укытучылары балаларга туган телне өйрәтүгә, аларга үз телләрендә белем һәм тәрбия бирүгә бөтен көчләрен куеп  эшләүләрен, үз эшләренең чын осталары булуларын расладылар. Катнашучылар лицеебыз укучыларының белемнәрен, татар телендә иркен аралашуларын югары бәяләделәр һәм укучыларыбызга чиксез рәхмәтләрен җиткерделәр. Чыннан да, дәреснең уңышлы үтүе укучыларның белемнәреннән, актив катнашуларыннан тора бит. Афәрин, балалар!

Көннең яктылыгы-кояшта,

Күкнең матурлыгы-йолдызларда,

Җирнең гүзәллеге-хатын-кызларда.

Хөрмәтле гүзәл затлар! Сезне 8 нче Март – Халыкара хатын-кызлар көне белән чын күңелдән котлыйбыз.

Җир йөзенең бөтен матурлыгын

Килә сезгә бүләк итәсе.

Дөньядагы матур сүзләрнең дә,

Иң җылысын сезгә әйтәсе.

Имин булып атсын таң кояшы,

Йөзегезгә нурлар сибелсен.

Һәр яңа таң сезгә бетмәс шатлык

Һәм гомерлек бәхет китерсен.

4 марта в нашем лицее прошла Благотворительная ярмарка в рамках акции "Добро Ветеранам".

     28 нче февральдә Совет районы мәктәпләре арасында «Татар малае” бәйгесе үтте. Лицеебыз данын 5 нче Б сыйныфы укучысы Дәминов Ришат яклады.Дүрт турны үтеп, Ришатыбыз 2 нче урынга лаек булды.

Ришатны җиңүе белән котлыйбыз һәм киләчәктә дә уңышлар телибез. Ана ярдәм иткән сыйныфташларына, 4А сыйныфы укучыларына, укытучыларына рәхмәтебезне белдерәбез.

      7 нче сыйныфы укучысы Асапова Адилә “Фән көне” дип аталган шәһәр күләмендә уздырылган  фәнни-практик конференциядә татар теле һәм әдәбияты секциясендә Дипломга лаек булды. Адиләне һәм җитәкчеләре Х.Х.Сөләйманова, Р.Ш.Кәлимуллиналарны  җиңүләре белән котлыйбыз, киләчәктә дә зур уңышлар телибез!