Проведение всероссийских проверочных работ (ВПР) 2019 года начинается для школьников 2 апреля. В этом году ВПР пройдут для учащихся 4-х, 5-х, 6-х, 7-х и 11-х классов. 

     ВПР представляют собой контрольные работы, которые проводятся в общеобразовательных организациях по завершении обучения в каждом классе. Это итоговые контрольные работы, которые проводятся по отдельным учебным предметам для оценки уровня подготовки школьников с учетом требований федеральных государственных образовательных стандартов. 

     Дүртенче чирек башланды. Язгы яллардан соң мәктәпләрдә укулар башланды. Лицеебыз укучылары ял итеп, көч туплап укырга килделәр. Алар өчен җаваплы дүртенче чирек башланды. Алда бердәм дәүләт имтиханнары, контроль эшләр. Бу чиректә укучыларга һәм укытучыларга саулык- сәламәтлек, сабырлык һәм уңышлы эш көннәре телибез!

31 нче март көнне “Сәләт“ йортында Казан шәһәренең мәктәп командалары өчен “Мирах” интеллектуаль турниры узды. Безнең лицей укучылары 4 этапны уңышлы үтеп, 2 нче урынга лаек булдылар.Укучыларга дипломнар һәм истәлекле бүләкләр тапшырылды. Афәрин!

      Лагерь эшчәнлегенең алтынчы көне мавыктыргыч  фәнни –химик шоу белән башланып китте. Бу программа балаларда химия фәненә карата  кызыксыну уятты.  Көннең икенче яртысында   отрядлар арасында спорт ярышлары уздырылды. Һәр отряд беренчелекне яуларга тырышты.

     Бүген, 28 нче мартта,  лагерь  балалары шәһәребезнең  Милли музеенда булып кайттылар. Анда алар   төрле һөнәр ияләре  турындагы белемнәрен баеттылар. Уен формасында оештырылган бу чара балаларда зур кызыксыну уятты.

     Лагерь эшчәнлегенең  дүртенче көне “Изгелек” темасына карата игълан ителгән конкурс нәтиҗәләре белән таныштырудан башланып китте, җиңүчеләргә урыннар билгеләнде.  Көннең икенче яртысында балалар төрле бию хәрәкәтләрен өйрәнделәр, соңыннан дискотека оештырылды.

     Бүген лагерь балалары  «Цирк, цирк, цирк…» дип исемләнгән тамаша карадылар. Көн дәвамында “Изгелек” темасына әңгәмә үткәрелде һәм отрядлар арасында темага карата рәсем конкурсы игълан ителде.

     Лагерь эшчәнлегенең икенче көне отрядлар арасында эстафета уеннары уздыру белән башланып китте. Көннең икенче яртысында “Иң яхшы отряд почмагы” на конкурс үткәрелде, урыннар билгеләнде, грамоталар тапшырылды. Соңыннан балалар “Изгелек” темасына багышлап рәсем ясадылар.

     Бүген лицеебызның  “Чишмә” лагеры үзенең эшчәнлеген башлап җибәрде. Лагерьны ачу тантанасыннан соң , балалар шәһәребезнең Габдулла Кариев исемендәге “Татар Яшьләр театры“на барып, “ Эх, егетләр һәм кызлар!” спектаклен карап кайттылар.