24нче апрельда гимназиябездә традицион рәвештә үткәрелгән шигырь бәйгесе узды. Быел бәйгедә Г.Тукай шигырьләре генә түгел, шагырьгә багышланган шигырьләр дә яңгырады. Жюри әгъзаларына сүз осталары арасыннан иң остасын сайларга туры килде. Бу чыннан да җиңел эш түгел.  Бәйгедә катнашучылар арасыннан иң осталарын билгеләгәндә, балаларның нинди төркемдә, ничәнче сыйныфта укулары игътибарга алынды. Жюри әгъзалары тарафыннан татар төркемендә башлангыч сыйныфларда укучылар арасында Шәймәрдәнова Әлинә, Җиһангиров Әдел(3а) билгеләнделәр. Рус төркемәреннән Мингулова Диляра (3в),  Такидзе Гугули (4б), Зябикова Злата һәм Козаков Вадим(2г) дипломнарга лаек булдылар. Урта сыйныфларда укучы балалар арасыннан Хәкимуллин Әдел диплом белән бүләкләнде. Бәйгедә рәсемнәр һәм стенгазеталар конкурсында катнашкан балаларны да грамоталар һәм дипломнар белән бүләкләделәр. Алар арасында Шмелева Алена (1б), Асфандиярова Луиза (2а), Куркина Вера (2г), Изотов Никита (3а), Кофыркина Карина, Козаков Вадим (2г), Кокшина Дарья, Габитова Юлия (6а), Сафина Ильмира, Прокофьева Амина, Колмогорцева Лиза (4б), Нигматуллина Карина, Мухамадиева Аида, Ярмакова Вероника (6б), Сабирова Эльвира (9б), Сафина Ляля (5а), 3а, 2а, 5б, 5а, 8б сыйныфларының эшләре аерылып торды. Афәрин, балалар!