Тышта салкын кыш – иң кыска көннәр һәм иң озын төннәр вакыты. Шуңа карамастан елның бу фасылын  без бик яратабыз.  Яңа ел – барыбызның да көтеп алган бәйрәме. Без аны матур, якты теләкләр белән каршы алабыз. Балалар Кыш бабайдан бүләк көтә. Шуның өчен алар берсен берсе уздырып җырлар, биюләр, шигырьләр өйрәнәләр, матур итеп киенәләр.

      Чыршы бәйрәме мәктәптә бик күңелле үтте. Башлангычларда җыр-биюләр күп булды. Беренче сыйныфларны бию түгәрәге җитәкчесе Алсу Фаритовна зур тырышлык белән  “Клоуннар”  һәм “Кар бөртекләре” биюен башкарырга өйрәткән.      Икенче сыйныфлар матур итеп җырладылар. 3-4 сыйныфлардан килгән “чит ил кунаклары” “Испан”, “Һинд”, “Ковбой” биюләрен оста башкарды. 3б һәм 4а кызлары башкаруындагы “Новогодние игрушки”, “Татар халык биюләре” бәйрәмгә ямь өстәде.   5-11сыйныфлар да бик кызыклы, үзенчәлекле чыгышлары белән сөендерделәр.

     Яңа ел тамашасын укучыларыбыз чын артистларча  күңелле, кызыклы итеп оештырдылар. 5б сыйныфыннан Александрова А.,6а сыйныфы укучылары Ганиева Э., Антипов А., Закиров Л, Афзалетдинова А., Габдуллина А., 8а сыйныфыннан Фатыхов Б., 9а сыйныфыннан Мазитов А., Гатауллина Р., Файзуллина А., 11б сыйныфыннан Билалов Р., кичәне алып баручы кызларыбыз Нигматуллина К., Валиева Д., Аскарова А.  мактауга лаек.  Аларга укуларында уңышлар телибез һәм алга  таба да бәйрәмнәрдә актив катнашырлар дип ышанабыз.

                                                                Педагог-оештыручы Гараева  Г.Д.