Ана! Нинди бөек исем! Дөньяда аналардан да изге һәм газиз зат иясе юктыр. Сабый дөньяга килгән сәгатеннән үк ананың йомшак кулларын сизеп, күңел җылысын, ягымлы карашын, мәхәббәтен тоеп яши. Ана өчен бала - җир йөзендә бер нәрсә белән дә тиңли алмаслык, кадерле йөрәк парәсе. Еллар үтеп без күпме генә яшькә җитсәк тә, газиз әниләребез өчен кечкенә булып калабыз.

    Бу уңайдан мәктәптә укучылар өчен шигырь конкурсы үткәрелде. Әниләр турында җылы эчтәлекле матур шигырьләр сөйләнде. Алар арасыннан хөкемдарлар җиңүчеләрне дә билгеләде. Башлангыч сыйныфлар арасында иң матур шигырь сөйләүчеләр: Габдрахманов Ленар (4б) – 1 урын, Гимазетдинов Наил (3а) – 2 урын, Харисова Чулпан (1в) – 3 урын; 

   5–8нче сыйныфлар арасында 1 урында –  Баязитова Аида (8б), 2 урында – Салахова Алия (6б), 3 урында – Гайфуллина Айсылу(7а);

   9–11нче сыйныфлардан Аскарова Адилә (10а) 1 урынга, Исламов Ринат (11б) – 2 урынга, Сибгатуллина Ләйсән (9б) 3 урынга лаек булдылар.

   Әниләргә багышлап рәсемнәр дә ясалды. Бик матур ясаучылар дип 1 – 4 нче сыйныфлардан Хөснетдинова Алина (2а), Ардыханов Илдар (2б), Хамидуллина Гүзәл (1б), 5–8нче сыйныф укучылары арасында Бариева Зарина (5б), Тузеева Юлия (5а), Аминова Айгөл (7а), ә зурлар арасында 11б, 9в, 10б класс укучылары билгеләнде. Аларга алга таба да уңышлар телибез!

    Без әниләребездән эчкерсез мәхәббәткә, игелеккә, зирәк­леккә өйрәник. Йөрәкләребездә ана җылылыгын саклаудан арын­мыйк, аның алдында баш июдән тартынмыйк, аларны хөрмәтлик!

Педагог-оештыручы Гараева Г.Д.