Укучылар 21 нче март көнне узасы “Зарница” уенына әзерләнәләр.Хәрби уен программасы укучыларның җитезлеген, уяулыгын, ихтыяр көчләренең ныклыгын сынарга мөмкинлек бирә. Строй җырын башкару, автоматны сүтү, кору кебек хәрби биремнәргә уенда зур теләк һәм осталык белән әзерләнәләр. Мәктәпнең хәрби җитәкчесе Габдуллин Гөлүс Ахатович : “Мондый тәрбияви уеннарны оештыру яшүсмерләрне патриотик рухта тәрбияләү юнәлешендәге традицияләрне саклауга һәм ныгытуга ярдәм итә. Шулай ук яшь буын вәкилләренең сәламәт яшәү рәвешен алып баруга, спорт белән шөгыльләнүгә омтылышларын ныгыта, егетләрне авырлыкларны җиңәргә өйрәтә , хәрби хезмәткә әзерли”, — дип билгеләде.