Әлеге сүзне ишеткән һәркемнең күз алдына аның яраткан укытучылары килеп баса.

    Укытучы... Нинди тирән мәгънәнгә ия булган сүз! Укытучы дигәндә күз алдына ачык йөз дә, сиңа һәрвакыт ярдәмгә килергә әзер булып торган куллар да, синең нәни бәхетләреңә дә сабый баладай шатланган, авырлыкларыңа бөтен йөрәге белән кайгырган мөләем күзләр дә килеп баса.
     Һәрбер бала укытучы турында сүз ишетсә, ул һичшиксез үзенең беренче укытучысын искә ала. Чөнки беренче укытучы аңа икенче әнисе кебек хәтерендә уелып кала. Бәллүр савыттай уылырга гына торган сабый күңеленә күпме яңалык кертә бит ул! Белем чишмәсенә юл ача, ә ул никадәр киң, никадәр аның суы ташып торса, укучыга моннан да артык бәхет юктыр. Һәрбер баланың тормышка беренче адымнарын ясау, аның нечкәлекләренә төшенү нигезен беренче укытучы күрсәтә дә инде.

     Минем беренче укытучым да, Нурлыгаянова Галия Миргазиян кызы, эчкерсез сабый күңелемдә мәңгегә кереп калды.

      Хөрмәтле Галия Миргазияновна!

               Сезне ихлас күңелдән юбилеегыз белән котлыйбыз, иң изге, якты, матур теләкләребезне юллыйбыз: көчле рухлы һәм кешелекле, юмарт һәм ярдәмчел, бәхетле һәм сәламәт булып калыгыз! Уй- теләкләр тиң, туар таңнар тыныч, саулыгыгыз ныклы, гомерегез бәхетле булсын!

Гомер юлыгыз озын-озак булсын,

Тигез тормыш аны бизәсен.

Гомерегез бәхет белән үтсен,

Авырлыклар бер дә килмәсен.

Фатыхов Булат, 8а сыйныф