Балачакның һәр мизгеле күңелле вакыйгаларга, сөенечле минутларга бай була. Мәктәп  каршында оешкан «Радуга» ял һәм сәламәтләндерү лагеренда үткән һәр мизгел хыялларга канат куя, көч җыярга, сәламәтлекне ныгытырга ярдәм итә.
   Нинди генә тәрбияви чаралар үткәрелми лагерьда! Сәламәтлек тәрбиясенә багышланган «Сәламәтлек — зур байлык» дип аталган уен-сәяхәте, күңелле стартлар, хәрәкәтле уеннар. Һәр отряд командаларга бүленеп көч сынашты.1 нче отряд “Торпеда” һәм “Динамо”, 2, 4 нче отрядлар “Мерси” һәм “Новое поколение”, ә 3 нче отряд “Ягуар” һәм “Леопард” командаларына бүленеп ярыштылар. Балалар бар көчләрен куйдылар. Нәтиҗәдә, дуслык җиңеп чыкты!