25нче январь көнне Зәй шәhәрендә хезмәт дәресе буенча "Я - мастер" исемендәге Республикакүләм конкурс үтте. Бәйгегә  8Б сыйныфы укучылары Билалов Шамиль (җитәкчесе Таепов А.М.) hәм мин, Шаяметова Азалия (җитәкчем Латипова Л.Ф.), бардык.

     Күргәзмә залында бөтен районнардан килгән балаларның эшләре урнаштырылган иде. Ул икегә бүленгән: берсендә - егетләрнең эшләре, икенчесендә - кызларныкы.

      Конкурс берничә этапта үтте. Иң элек без махсус әзерләнгән бүлмәләргә кердек. Анда эшләрне тараттылар hәм вакыт бирделәр. Кызларның беренче эше - тест, икенчесе - моделирование, өченчесе сынау булып, "Саклану кагыйдәләре" темасына кроссвордлар чишү булды. Ашатуны да яхшы оештырганнар иде: иртәнге, төшке hәм кичке аш.

   Актлар залында "Сумасшедшие учёные" исемендәге Мәскәү дуэты төрле тәҗрибәләр күрсәтте. Аннан балаларны планетарийга чакырдылар. Бу көн безнең күңелләребездә әле озак онытылмас!

     Кызганычка каршы, без бу бәйгедә җиңү яуламадык. Ләкин үзебез өчен бик күп кирәкле мәгълүмат алдык. Без бер теләк белән янып кайттык - тагын да шундый кызыклы конкурсларда катнашырга һәм, әлбәттә, җиңүләр яуларга.

Шаяхметова Азалия, 8б сыйныфы укучысы