Муса   Җәлил -  илебездәге әдәбият hәм сәнгать эшлеклеләре арасында хөкүмәтнең иң югары бүләгенә лаек булган бердәнбер кеше. Советлар Союзы Герое, Ленин премиясе лауреаты шагыйрь Муса Җәлилнең тууына 108 ел тулды. Шул уңайдан Сарман урта гомумбелем бирү мәктәбендә әдәби кичә уздырылды, татар теле һәм әдәбияты укытучысы Рамазанова Раушания Наил кызы патриот-шагыйрьнең тормыш юлы һәм иҗаты белән таныштыргач, укучылар аның шигырьләрен сәнгатьле итеп укыдылар.

    Жюри, нәтиҗәле чыгыш ясаучыларны билгеләп, аларга грамоталар тапшырды: Гайфуллина Айсылу (9а), Габдрахманов Ленар (6а)- 1нче урын; Гарайшина Эльвина, Габдрахманова Лиана (6б) - 2 нче урын; Гилева Алина (5б), Хәбибуллин Артур (5а) - 3 нче урын. 3 нче Б сыйныфы укучылары Муса Җәлилнең ,,Карак песи” һәм ,,Кызыл ромашка” әсәрләрен сәхнәләштерделәр. Кичә бик күңелле узды.

     М.Җәлил - татар әдәбиятының, татар халкының горурлыгы һәм мактанычы. Аның бай иҗаты, тоткынлыкта күрсәткән тиңдәшсез батырлыгы, бер безне генә түгел, киләчәк буынны да таң калдырыр.                                                                                                      Ул кыска гына гомерендә үзеннән соңгы буыннарга үлемсез иҗат калдырды. Бүгенге тынычлык өчен көрәштә дә Муса Җәлил үзенең шигырьләре белән безнең сафта атлый. Герой - шагыйрь М.Җәлилне рәхмәт хисләре белән искә алыйк һәм аның белән һәрчак горурланыйк!

Хөсәинов Алмаз, 5б сыйныфы укучысы