Картинг – малайлар өчен генә дигән кешеләргә, без  кызлар,  моның киресен инде менә ничә еллар исбатлыйбыз. Дөрес, егетләр белән ярышып булмый, шулай да ярышларга барып, беренче булмасак та, урыннар алып кайтабыз. 31нче октябрь көнне безне: Нигматзянов Б. (2б), Латипов И. (3в), Сулейманова И Насибуллина Л. (8б), Кудашкина В. (9в), Хайруллина А.        (10б) (тулаем 15 кеше), Казанга «Кубок Дирекции Финансирования Научных и Образовательных Программ БДД РТ» исеме астындагы  форсажга алып киттеләр. Барган көнне тренировкада булдык, Сарманда өйрәнгәннәребезне тагын бер кат искә төшердек, яңа трассаны өйрәндек. Ә инде икенче көнне иртүк ярышларга киттек. Башларыбызда бары тик бирелгән трассаны тизрәк үтәргә, борылышларда каушамаска дигән уй гына иде. Иптәшләребез өчен дә көч биреп, аларның уңышлары өчен дә шатландык.

    Безгә дип  вакытларын кызганмаган өчен Раиф абый белән Мөдәррис абыйларга без бик күп рәхмәтләр әйтәбез.

Сулейманова Индира, 8б сыйныфы укучысы