Минем җәйге көннәрем бик әйбәт үтте. Мәктәптәге практиканы эшләдем. Өйдә кич белән бакчага чыгып помидорларга, кыярларга hәм башка җиләк-җимешләргә су сиптем. Сәгать кичке алтыда ял паркына төшеп футбол уйнадым. Анда яңа иптәшләр таптым. Кайбер көннәрне Ильвир, Тимур, Рамил белән эксурсияләргә чыктык. Авылга кайтып бабайга булыштым.

      Июль аенда әни белән җиләкләр, карлыганнар җыйдык. Әниләр тозлы күлгә киткәч, мин әбиләрдә калдым. Анда да чияләр, кура җиләкләр җыештым.

     Өйдә компьютерда уйнадым, табак-савытлар юдым, идәнне суырттым, гөлләргә су сиптем. Сабан туй җиренә hәм әрәмәлеккә балык тотарга төштем, кайтканда су кердем. Ял паркында төрле бәйрәмнәр узды, шунда Ильвир, Руслан белән чыктык. Буш вакытта апаларга, абыйларга кунакка бардым. Менә шулай сизелмичә өч ай каникул үтте дә китте.

    Шушы каникулдан соң мәктәпкә килгәч, үз мәктәбем белән горурландым, бер ара хәтта танымадым. Мәктәптә капиталь ремонт ясалган! Бик зур эшләр эшләнгән. Укытучыларыбыз бик тырышкан, мәктәпкә гел барасы гына килеп тора. Мин укытучыларыбызга бик тә рәхмәтлемен.