Бүген  районыбызның барлык мәктәпләрендә Белем бәйрәме үтте. Быел Сарман урта мәктәбенә 52 укучы 1нче сыйныфка аяк атлады, ә барлыгы 501 укучы өчен яңа уку елы башланды. Бәйрәмне матур итеп  Мальвина, Пьеро, Буратино кебек әкият персонажлары ачып  җибәрде. Сыйныф җитәкчесе Әлфинур Абузаровна, мәктәп директоры Эльвира Зуфаровналар балаларга үзләренең матру теләкләрен җиткерделәр. Нәни укучыларыбызны котларга җир һәм мөлкәти мөнәсәбәтләр палатасы җитәкчесе Гараева Гөлнара Рифкатовна, район мәгариф бүлеге белгече Шәрифуллина Альфира Хадиевна, шулай ук балигъ булмаган балалар һәм яшүсмерләр белән эшләү бүлеге инспекторы Алиуллин Фәрит Фоатовичлар килгән иде. Бәйрәм бик күңелле үтте.

           Кечкенә берләребезне яңа ремонт кергән  чиста һәм матур мәктәбебез сөенеп каршы алды. Биргән антыгызга ышанып калабыз, кадерле беренчеләребез!!