8 нче апрельдән 13 нче апрельгә кадәр мәктәп күләмендә татар теле  һәм әдәбияты атналыгы булып узды. Атналыкта түбәндәге чаралар уздырылды:

  8 нче апрель көнне  атналык башланып китте , иҗади конкурслар игълан ителде.

  9 нчы апрель көнне  “Тукай әсәрләре – рәсемнәрдә” конкурсы ( 1-11 нче сыйныфлар) үтте.

  Бу  конкурста  укучылар, бер-берләрен кабатламыйча, үзенчәлекле рәсемнәр ясадылар. Анда Шүрәле, Су анасы, Кәҗә белән сарык та, Тукайның башка геройлары да сурәтләнгән иде. Барлыгы 30 укучы көч сынашты. Алар арасында җиңүчеләр :

  1 нче урын – 6 в – Фәретдинов Илшат

  2 нче урын – 6 в – Гараев Динар

  3 нче урын – 5 а – Якупова Гөлшат

  10 нчы апрель көнне  “Табигать – туган йортыбыз” темасына иншалар конкурсы(5 - 8, 10 нчы сыйныфлар) уздырылды.

  Бу конкурста аеруча 5 - 6 нчы сыйныф укучылары актив катнашты. Җиңүчеләр дип түбәндәге укучылар билгеләнде :

  1 нче урын – 5 в – Хәкимуллин Илүс

  2 нче урын – 6 б – Бариева Зәринә

  3 нче урын – 5 а – Зиннәтуллина Ләйсән

   11 нче апрель көнне  “Каурый каләм” иҗади эшләр конкурсы үтте. Укучылар үзләре иҗат иткән шигырләр белән таныштырдылар. Бу бәйгедә түбәндәге укучылар җиңүгә лаек дип табылды :

  1 нче урын – 6 в   - Гыйбадуллина Алия

  2 нче урын  - 6 в - Хафизова Резеда

  3 нче  урын – 7 а –Ганиева Элвина

   12 нче апрель көнне  “Безнең яклар кебек матур җирләр,  булса  булыр бары меңгә бер ” дигән  әдәби – музыкаль кичә уздырылды. Кичәдә катнашучылар туган ягыбызга  багышланган шигырьләр сөйләделәр, җырлар җырладылар, дәртле биюләр башкардылар. Кичә бик  күңелле үтте.

  13 нче апрель көнне  атналыкка йомгак ясалды. Барлык уздырылган чараларда катнашкан укучыларга  рәхмәт әйтелде, мактау грамоталары тапшырылды. Гомумән алганда,  ана теле атналыгы шау-гөр килеп үтте. Һәркемнең күңелендә  матур истәлекләр калдырды.