Сарман урта мәктәбе 2 марттан беренче сыйныфка керүче балалар өчен әзерлек курслары башлап җибәрде. Балалар үзләренең  укытучылары, сыйныфташлары, мәктәп белән таныштылар. Дәресләрдә алар фикерләргә, дөрес итеп сөйләргә, күзәтергә, чагыштырырга өйрәнәләр. Кул чукларын ныгыту өчен төрле алымнар: оригами, кисү, ябыштыру, әвәләү, штрихлау кебек эшләр башкаралар. Әле күптән түгел генә булачак укытучылары - Александрова Альфинур Абузаровна һәм Гараева Гөлнара Дахировна балалар белән “Универсиаданы каршылап” дигән спорт уеннары оештырдылар. Универсиада талисманы  - Юни белән таныштылар, ул әзерләгән биремнәрне үтәделәр, төрле станцияләрдә ярыштылар. Булачак укучыларыбыз “Сәламәт кеше нинди була?” дигән сорауга җаваплар таптылар, чисталыкка багышланган табышмакларны чиштеләр. Алдагы елларда да мәктәбебез данын якларлык алмаш чыгар бу укучылардан.  Балаларның уеннардан ямь табып елмайган йөзләрен күрү - үзе бер шатлык! Әйе, хәрәкәттә-бәрәкәт шул.

                                                                    Александрова А.А., башлангыч сыйныф укытучысы