Күптән түгел мәктәбебездә Ф. Яруллинга багышланган әдәби-музыкаль кичә үтте. Ул һәрберебезнең күңелендә якты эз калдырды. Фәнис Гатауллович Яруллин – сикәлтәле тормыш юлын үткән гаҗәеп язмышлы кеше. Еш кына аны «Корыч ничек чыныкты» исемле популяр роман язучысы Николай Островский белән чагыштыралар. Тормышында очраган фаҗигале хәлләрдән соң да аның күңеленә күпләгән  шигъри юллар килә. Ул бөтен тырышлыгын, рухи көчен үзенең белем дәрәҗәсен күтәрүгә, әдәби иҗат эшенең серләрен үзләштерүгә юнәлтә.

      Кичәдә Валиахметова Чулпан, Гайфетдинова Эльвина, Талибуллина Рузалия, Шириева Илүзә башкаруында Фәнис Яруллин сүзләренә язылган җырлар һәм шигырьләр яңгырады. Аның тормыш юлы һәм иҗаты белән якыннан таныштырылды. Кунакка Ф. Яруллин белән 8 ай хәрби частьта хезмәт иткән, аның белән якыннан таныш булган  профессиональ журналист, СССР журналистлар берлеге әгъзасы, бер үк вакытта халыкара лектор Равил Гыймадиев та чакырылган иде. Ул Ф. Яруллин белән хезмәт иткән көннәр истәлекләре белән уртаклашты, аның турында бик күп яңа һәм кызыклы мәгълүматлар сөйләде. Кичә күңелле, җанлы үтте.

      татар теле һәм әдәбияты укытучысы

 Закирова Альбина Хамитовна