Сарман ягы төбәге әдипләренең иҗади мирасын өйрәнүне дәвам итү, укучыларда фәнни - тикшеренү күнекмәләре формалаштыру максатыннан, 2019 нчы елның 19 нчы февралендә икенче санлы Җәлил урта мәктәбендә бөтен гомерен туган ягына  багышлаган якташыбыз , шагыйрь, күп   җырлар авторы – Дамир абый Гарифуллинга багышланган «Шушы яктан, шушы туфрактан без» республикакүләм конференциясе үткәрелде. Әлеге чарага республиканың төрле район һәм шәһәрләреннән укытучылар һәм укучылар килгән иде. Конференциядә укучылар үзләренең көчләрен8 юнәлештә сынадылар. Безнең мәктәп укучылары да чарада уңышлы чыгыш ясадылар: «Тарихи туган төбәк» юнәлешендә  5А сыйныфы укучысы Сабирова Әлфинә,  «Безнең нәсел – данлы нәсел» юнәлешендә 11 нче сыйныф укучысы Хәмәтҗанов Алмаз,«Дамир Гарифуллин поэзиясе үзенчәлекләре» юнәлешендә 6 нчы А сыйныфы  укучысы Могыйнова Ләйлә җиңүчеләр булдылар.2 нче А сыйныфы укучылары Алиуллина Таңсылу һәм Хайбрахманов Булат, 5 нче А сыйныфы укучысы Салахова Ләйсән«Дамир Гарифуллин поэзиясе үзенчәлекләре» юнәлешендә лауреатлар булдылар. Укучыларга Мактау кәгазьләре һәм Дамир Гарифуллинның китаплары тапшырылды.