Күптән түгел генә (1.02.2011) Татарстан Республикасы укучыларының VIIIнче Спартакиадасында безнең Сарман урта мәктәбе кызлары  Кукмарада булып узган баскетбол ярышларында 2нче урынга лаек булганнар иде. Бу инде безнең өчен зур сөенеч һәм Сарман тарихында әлеге вакыйга беренче тапкыр булды.

    Әле 2 ел вакыт узмады диярлек, алар үзләренең нәтиҗәләрен  яңартып, Республика чемпионнары булдылар! 26-30 нчы сентябрь көннәрендә Яр Чаллы шәһәрендә 1996-97нче елгы кызлар арасында баскетбол буенча республика беренчелеге үткәрелде. Бу ярышларда Сарман районы җыелма командасы кызлары да уңышлы чыгыш ясап, беренчелекне яуладылар. Алар, безнең мәктәптән – Исмагилова Гөлгенә (11а), Салихова Аделя (7а), Шәмсетдинова Наилә (10а), Файзуллина Алия (10б), Салахова Айсылу (8б), Шарафутдинова Халидә (8б), Валиева Айгөл (8б), Миннегалиева Айгөл (8б) һәм Иске Кәшер урта мәктәбеннән 10нчы сыйныф укучысы Мухаметзянова Гүзәл белән 9нчы сыйныф укучысы Шарифуллина Ландышлар. Тренерлары Калимуллин Данияр Дөлфәтович һәм Хаҗиева Лилия Азатовна җитәкчелегендә Балтач, Алексеевск, Зәй, Тукай районы җыелма командаларын җиңеп, Татарстан Республикасы Чемпионнары исеменә лаек булып, медаль, грамота һәм кубок алып кайттылар.

       Үз чиратыбында мәктәп администрациясе баскетболчы кызларыбызны линейкада котлап үтте: аларга кечкенә бүләкләр тапшырылды. Әлеге ярышларда катнашучы Сарман районы кызларын, үзебезнең укучылырабызны,  Данияр Дөлфәтовичны, Лилия Азатовнаны тагын бер тапкыр котлыйбыз. Киләсе Түбән Кама, Казан шәһәрләрендә узачак баскетбол ярышларында аларга уңышлар телибез.

Тәрбия эшләре буенча директор урынбасары Мөхлиева Р.Р.