Укытучы... Нинди горур исем!

        Хөрмәтле мөгаллимнәребез! Сезне профессиональ бәйрәмегез белән чын күңелдән котлыйбыз! Мәктәп дигән “шифаханәдә” йөзләрчә-меңнәрчә балаларны тормышның яман чирләреннән дәвалаган, саклап калган, тәрбияләгән изге затлар. Сезгә булган ихтирам, горурлык хисе мәңге сүнмәс-сүрелмәс!

    Укытучылар көне уңаеннан мәктәптә төрле күңелле чаралар үтте. Һәр сыйныфта бәйрәм тантанасы рухы күзәтелде. Шарлар, төсле акбурларлар белән язылган җылы сүзләр, чәчәкләр... Барысы да яраткан укытучылар хөрмәтенә.

    Мөгаллимнәребез хөрмәтенә бәйрәм концерты оештырылды. Латыпова Р., Валиахметова Т. (1а), Фазуллина Г. (7б), Гайфутдинова И. (8в), Гилязов Д., Шарифуллин И., Шарипов И. (4а), Гавасетдинова А. (11б) үзләренең матур җырларын  бүләк иттеләр.

   Бу көнне 10 нчы сыйныф укучылары үзләрен укытучы буларак сынап карадылар. Алар 1-7 нче сыйныфларда дәресләр үткәрде. Һәрберсе дәрескә ныклап әзерләнгән иде. Бигрәк тә Хафизова Гүзәлияләр (10а) әзерләгән презентацияләр балаларда зур кызыксыну уятты.  Алар тып-тын калып “яңа укытучылар” үткәргән дәресләрне тыңлап утырдылар. 2в сыйныфы укучыларын физкультура дәресендә абый-апалары командаларга бүлеп ярыштырдылар.

   Шулай итеп, күңелле мизгелләр үтеп тә китте. Мондый куңел күтәренкелеге ел буена дәвам итсен иде.

     Хөрмәтле укытучыларыбыз! Күгегез һәрчак аяз, җаныгыз тыныч, күңелегез көр, сәламәтлегегез нык булсын! Балаларның якты киләчәге, язмышы сезнең кулларда, сезнең алтын йөрәгегездә, мөхтәрәм мөгаллимнәр! Игелекле эшегез өчен, белемегез өчен, тырышлыгыгыз өчен, сабырлыгыгыз өчен зур рәхмәт Сезгә! 

Педагог-оештыручы Гараева Г.Д.

Учителям посвящается…