26 нчы апрель – бөек шагыйребез Габдулла Тукайның туган көне! Бу уңайдан безнең мәктәптә дә төрле чаралар үткәрелде.

      5–6нчы сыйныф укучылары шигырь бәйрәме уздырдылар, ә 7–8нче сыйныфлар “Безнең күңелләрдә син,  Тукай !” исемле музыкаль–әдәби кичә оештырдылар. Кичәдә укучылар Г.Тукайның шигырләрен сөйләделәр, аның “Кәҗә белән сарык” (5а), “Бала белән күбәләк” (5б) әсәрләренә карата инсценировкалар күрсәттеләр. Үзләренең моңлы җырларын, дәртле биюләрен бүләк иттеләр. Кичәбез бик күңелле узды, һәркемнең күңелендә уңай тәэсир калдырды.

     Г.Тукайның тормышы һәм иҗаты – халкыбыз тарихындагы үлемсез сәхифәләрнең берсе. Аның иҗаты мәңгелек!