М.Җәлилнең тууына 110 ел тулуга багышлап, 19 нчы февраль көнне 8а ("Динамит" командасы) һәм 8б ("Десант" командасы) сыйныфы егетләре арасында "Ягез әле, егетләр!" ярышы үтте. Ярышны ОБЖ һәм технология укытучылары Габдуллинн Г.А., Таепов А.М. бик кызыклы һәм мавыктыргыч итеп оештырганнар иде. Ике команда да әзерлекле иде. 

18 нче февраль көнне укучыларыбыз икенче санлы Җәлил мәктәбендә узган Муса Җәлилнең тууына 110 ел тулуга багышланган республикакүләм фәнни-гамәли конференциясендә катнаштылар. 2Б сыйныф укучысы Бәдертдинова А. I урынны яулады (җитәкчесе Ханнанова В.М.). Бу җиңү белән котлыйбыз һәм иҗади уңышлар телибез!

13 нче февраль көнне урта мәктәп, гимназия укучылары, аграр көллият студентлары өчен "Батырлык дәресе" уздырылды. Аны Сарман һәм Мөслим районнары буенча хәрби комиссариат бүлеге начальнигы Дашгын Гасанов үткәрде. Бу чара "Есть такая профессия - Родину защищать!" акциясе кысаларында узды. Очрашу шулай ук  Әфганстаннан Совет гаскәрләре чыгарылуга 15 февральдә  27 ел тулуга багышланган иде. Чарада Әфган сугышы ветераннары - полковник  Рафаэль Газизуллин, өлкән прапорщик Атлас Әсмандияров, ДОСААФның район бүлеге җитәкчесе Фирдәвес Ганиев чыгыш ясадылар.

13 нче февраль көнне безнең мәктәптә 1в сыйныфында (кл. җитәкчесе Хаҗиева Л.Н.) Әлифба белән саубуллашу бәйрәме булды. Бәйрәмгә әти-әниләр чакырылды.Шулай ук бәйрәмгә Әлифба, Туган тел, Убырлы, Шүрәле килде. Алар укучыларны төрле яктан сынадылар.

Продолжая  патриотическое воспитание, ученики нашей школы ухаживают за мемориальным памятником воинам ВОВ и афганцам.

9 нчы һәм 11 нче февраль көннәрендә "Өстәмә белем бирү педагогы-2016", "Класс җитәкчесе-2016", ""Педагог-оештыручы-2016", "Педагог-психолог-2016" конкурслары үтте. Безнең педагог-психолог Гарайшина Г.Р. катнашты. Гөлфинә Ракиповна 9 нчы февраль көнне 3-4 нче класс укучылары белән ачык дәрес күрсәтте, ә 11е көнне үзенең эш методлары белән таныштырды.