Хәрби- патриотик айлык буенча бик күп эшләр эшләнде, чаралар уздырылды. Мәктәптә һәр көнне диярлек спорт ярышлары уза. Укучылар бу ярышларга теләп катнашалар. Чараларны физькультура укытучысы Хаков Басыйр Фәйзелхакович үткәрә.

Бүген безнең мәктәптә 1 нче класс укучыларының иң күркәм бәйрәме "Әлифба бәйрәме" узды. 4 бөртек кенә булсалар да, өйрәнгән һөнәрләре санап бетергесез, әйтерсең артистлар килгәннәр. Аларны шушы олы җиңүләре белән котлыйбыз. Тырыш, сәламәт балалар булып үсүләрен телибез.

Күч безнең күңелгә

Җыр яме, җир яме!

Рәхим ит, түрдән уз

Әлифба бәйрәме

Бенең мәктәптә "Сәламәтлек атналыгы" бик матур чаралар, класс сәгатьләре белән аралашып үтте. Һәрбер класс бу атналыкны үзенчәлекле, кызыклы, файдалы итеп уздырырга тырышты. Укучыларыбыз сәламәт, исән- сау булып үссеннәр.

17 нче февраль " Мәрхәмәтлелек көне". Безнең мәктәптә дә бу көнне онытып калдырмадылар. Рус теле һәм әдәбияты укытучысы Иванова Людмила 5 нче класста "День доброты" ачык тәрбия сәгате үткәрде. Дәрес тәрбияви һәм кызыклы булды.

16 нчы февраль көнне районда уздырылган "Лыжня России- 2014" ярышында безнең мәктәп тә актив катнашты. 7 укытучы төрле төрле яшь аралыгында ярыштылар, ә калган укытучылар җанатарлар булдылар. 50 һәм аннан өлкәнрәкләр арасында ярышып, Назмутдинова Гөлфия Галиевна III урынга чыкты, медаль һәм грамота белән бүләкләнде. Аңа киләчәктә сәламәтлек, тагын да зуррак үрләргә ирешүен телибез.

Ученик 5 класса, Назмутдинова Исламия, награждена благодарственным письмом отделом военного комиссариата РТ по Сармановскому и Муслюмовскому районам за активное участие в конкурсе "Место подвига- Афганистан".

Бүген Саклау- Баш урта мәктәбендә Муса Җәлилнең туган көнен билгеләп үттеләр. Мәктәп укучылары Җәлилнең шигырьләренә язылган җырлардан концерт куйдылар. Концерт бик эчтәлекле узды. Кичәне педагог- организатор Сабирова Миләүшә оештырды.

Бүген мәктәптә 9- 11 класс укучылары һәм әти- әниләре катнашында җыелыш булды. Район мәгариф бүлеге методисты Сәетгараева Раушания Камиловна 2013 нче елгы БДИ нәтиҗәләре һәм 2014 нче елдагы имтихан үзгәрешләре белән таныштырды. Сарман гимназиясе педагог- психологы Галялиева Венера Николаевна балаларны экзаменга әзерләүдә "Әти- әниләргә киңәшләр" дигән темага чыгыш ясады. Соңыннан мәктәп директоры Галялиев Алмаз Раситович чыгышы тыңланды.

Химия- биология атналыгы үзенең соңгы соңгы ноктасына җитте. Бүген атналыкны тәмамлап, 8- 11 нче класс укучылары ике командага бүленеп, КВН уздырдылар. Бәйге "Реторта" командасының җиңүе белән тәмамланды, ә "Катион" командасы үзенең көндәшеннән азга гына калышты. Атналык бик күңелле үтте, химия-биология укытучысы Әлфия Вәдүтовнага зур рәхмәт.

Химия- биология атналыгы үз эшен дәвам итә. Укучылар үзләренең фантазияләрен эшкә җигеп, "Яшь химик" стена газеталары чыгарып элделәр.