22 нче июнь Хәтер һәм кайгы көнендә район үзәгендәге Ял паркында илебез азатлыгы өчен баш салганнар истәлегенә куелган мемориаль комплекста һәйкәлгә тәкыялар салынды. Чарада Башкарма комитет җитәкчесенең социаль мәсьәләләр буенча урынбасары Сәхипова Индира Рәисовна, Татарстан Республикасы Хәрби комиссариатының Сарман һәм Мөслим районнары буенча хәрби комиссары Дашгын Гасанов, мәгариф бүлеге җитәкчесе урынбасары Габидуллин Газинур Азгатович, Яшьләр эшләре, спорт һәм туризм буенча бүлек җитәкчесе Илгизәр Равилович, яшь армиячеләр дә катнашты.

19 нчы июнь көнне укучыларыбыз X Халыкара «Cәләт» яшьләр уку-укыту форумының беренче сменасы – JUNIOR SKILLS BILER FORUMга ял итәргә киттеләр. Ул 23 июньгә кадәр дәвам итәчәк.  JUNIOR SKILLS BILER FORUM-ның төп идеясе – мәктәп укучыларына хәзерге заман һәм киләчәк һөнәрләрен үзләштерү өчен яңа мөмкинлекләр тудыру. Ял итүчеләр мобиль робототехника, авиамодельләштерү, электроника, ландшафт һәм интерьер дизайны, скетчинг, рәсем сәнгате, прототиплаштыру һ.б. юнәлешләр белән танышачак. Укучыларыбызга күңелле яллар телибез.

17 нче июнь көнне Сарман гимназиясенең мәктәп яны лагерендә ял итүчеләрне 131 нче янгын сүндерүчесе Загиров Нәфис Нәсимович су объектларында куркынычсызлык кагыйдәләре белән таныштырды. Чарада Башкарма комитет җитәкчесенең социаль мәсьәләләр буенча урынбасары Сәхипова Индира Рәисовна һәм мәгариф бүлеге җитәкчесе урынбасары Габидуллин Газинур Азгатович та катнашты.

11 нче июньнән 17 нче июньгә кадәр  укучыларыбыз "Болгар-туган тел" лагеренда ял иттеләр.

10  нчы июнь көнне район үзәк ял паркында җәйге лагерьларга йөрүче балалар өчен "Куркынычсыз каникуллар" акциясе оештырылды. Уеннар һәм конкурслар ярдәмендә балалар электр белән дөрес кулланырга өйрәнделәр.

Учащиеся МБОУ "Сармановская СОШ"
- Хатипова Диляра ученица 10 класса, 
- Хазиев Айназ ученик 10 класса, 
- Фархутдинова Алия ученица 10 класса, 
- Ибрагимова Иделия ученица 10 класса стали призерами Международной олимпиады по русскому языку. 

Татарстан Республикасы Хөкүмәте һәм ҖЧҖ "Дюраселл Раша" арасында имзаланган килешү кысаларында ел саен республика территориясендә Татарстан Республикасының гомуми белем бирү оешмаларында файдаланылган батарейкаларны җыю буенча акция үткәрелә. Сарман муниципаль районы белем бирү учреждениеләре дә бу акциядә катнашты. Калдыклар белән эш итү буенча региональ оператор "ГРИНТ" компаниясенә барлыгы 220, 303 кг батарейка тапшырылды. Иң күп батарейка җыйган укучы – Сарман урта мәктәбеннән Гөлия Хәлиуллина (17 кг), ә иң күп батарейка җыйган мәктәп – МБББУ “Сарман гимназиясе” (85,85 кг).

Эшлекле визит белән бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Сарман районына килде. Ул Ләшәү Тамак мәктәбендәге һәм Җәлил гимназиясендәге милли тәрбия, балаларга туган телебездә белем һәм тәрбия бирү мәсьәләләре белән кызыксынды.

Мәгариф бүлеге үткәрә торган традицион очрашу кысаларында 1 нче июнь көнне лаеклы ялдагы директорлар "Старт" чаңгы базасында җыелдылар. Озак еллар мәгариф өлкәсендә иңгә- иң куеп эшләгән, балаларга белем-тәрбия биргән укытучылар коллективын җитәкләгән ихтирамга лаек мәктәп җитәкчеләре - ди⁠ректорлар, яшьлек елларын, коллегаларын искә алдылар. Аларны котлап, мәгариф бүлеге җитәкчесе Әлфәт Зиятдинович матур теләкләрен җиткерде. Киләчәктә сәламәтлек, рухи байлык, күңел тынычлыгы теләде.
Очрашу бик күңелле оештырылган иде.

1 нче июньнән җәйге мәктәп яны һәм хезмәт лагерьлары үз эшләрен башлап җибәрделәр.