"Үскәч кем буласыгыз
килә? " - дигән сорауга, Әни дип җавап бирде ике кыз. Шулчакта күңелнең ничек сөенүен күрсәгез, яннарына барып кысып кочаклап яратып тордык. Ак калфак татар хатын-кызлары оешмасы " Әбием җылысы" милли проекты белән "Сандугач" балалар бакчасында булып, андагы нәниләребез белән аралашып, гаилә кыйммәтләре, әби-бабаларыбызның нәсел-шәҗәрә агачы турында сөйләп, киләчәк язмышыбызга үткән тарихның мөһимлеген аңлатып, кызыклы, файдалы очрашу ясадык. Бүген балалар белән аңлы рәвештә, шундый  әһәмиятле сөйләшүләр алып барып, сорауларга уңай җавап ала алабыз икән, бу бердәм тату эшләү нәтиҗәсе. Сау сәламәт, аек акыллы балалар үстерү- безнең максат. Оясында ни күрсә, очканында шул булыр.

Буген балалар бакчасында герой-шагыйрь Муса Җәлилне искә алдылар. Төркемнәрдә шагыйрьнең тормыш юлына багышланган презентацияләр күрсәтелде, балалар өчен язылган шигырьләре укылды, әсэрлэре буенча  рәсемнэр ясалды. Тәрбиячеләр Муса Җәлилнең шагыйрь генә түгел, ә сугышчы да, көрәшче булуы турында сөйләделәр.

Иң кечкенәләрнең икенче төркемендә тирә-юньдә орентлашу һәм сөйләм үстерү шөгыле.Тема:С витамины чыганагы булган суган белән таныштыру.Тәрбияче: Гыйлметдинова Э.Ф.

13 нче февраль көнне,бакчабызда "Яшел ут-2024"республика күлэм бәйге кысаларында һәм Гаилә елы уңаеннан,зурлар төркеме балалары hәм әти-әнилэре белән берлектә юл йөрү кагыйдәләре буенча,"Светофория иленә сәяхәт " дип исемләнгән чара уткәрелде.Чарада 6 гаилә "Кызыл","Сары","Яшел" командаларына буленеп көч сынаштылар.Ярышлар житезлеккэ, ижадилыкка,игьтибарлылыкка юнәлдерелгән иде. Командалар бик актив булдылар.Нэтижәдэ hәр гаилә төрле номинацияләрдә жиңү яулады."Юл хәрәкәте иминлеге" Дәуләт учреждениесе җитәкчесе Ситдикова Алсу Разин кызы чарага йомгак ясап гаиләләргә үз теләкләрен житкерде,  дипломнар hэм истәлекле бүләкләр тапшырды.Чара "Юл билгеләре" дип аталган флешмоб белэн төгәлләнде.