6 нчы сыйныф укучысы Фатихова Ранияга Татарстан Республикасының "Динамо" физкультура - спорт җәмгыяте үткәргән "Динамо- балалар күзе белән" дигән Республика конкурсында катнашкан өчен Президент Аппараты җитәкчесе А.А.Сафаров кулы куелган грамота һәм бүләкләр тапшырылды.  

   Сөекле шагыйребез Г.Тукай шигырьләрен бабаларыбыз ятлаган, әти-әниләребез укып үскән, хәзер аларны без өйрәнәбез. Бүген башлангыч сыйныф укучылары "Без Тукайны яратабыз" дип исемләнгән бәйрәм уздырды.

  12 апрель- космонавтика көне. Шул уңайдан Кәүҗияк мәктәбендә "Юрий Гагарин –Галәм киңлекләрендә” - мәгълүмат сәгате үткәрелде. Балаларга беренче космонавт Ю.А.Гагарин турында сөйләнелде, презентация күрсәтелде. 

   11 апрель көнне Кәүҗияк мәктәбендә, һәр елдагыча, "Зирәк тиен" бәйгесе булып узды. Әлеге бәйгедә 4-9 нчы сыйныфлардан укучылар катнашты. Алар татар тел гыйлеме буенча үзләренең белемнәрен, интеллектуаль осталыкларын сынап карадылар. Гомумән, безнең мәктәп укучылары төрле фәннәр буенча бәйгеләрдә бик теләп катнашалар. 

Чисталык айлыгы дәвам итә.

Бүген ата-аналар җыелышы үтте. Көн тәртибендә: III чирек йомгаклары, балаларны ашату турында, ОГЭга әзерлек, төрлеләр.

Педагогик коллектив бүген ГТО тапшырды.

Башлангыч сыйныф укучылары  ГТО тапшырдылар

    Кошлар - табигать могҗизасы. Аларның самими яңгыравык җыры, ачык төстәге каурыйлары табигатьне бизи, күңелгә сихәтлек, дәрт - дәрман өсти. Мәктәптә "Кошлар - безнең дуслар" темасына кошлар көне үткәрелде. Биология укытучысы Салихова Фәйрүзә Рафис кызы һәм укучылар кошларның табигатьтәге рольләре, аларның файдалары, оялары турында сөйләделәр, презентация күрсәттеләр.                       

9 нчы сыйныф укучылары пробный ОГЭ бирделәр.