“Бурдан кала, уттан калмый!

    Халкыбызның бу мәкале белән килешми мөмкин түгел. Адәм баласын фани дөньяда сагалаган куркыныч һәм дәһшәтле афәтләрнең берсе – янгын. Бакыйлыкта, ягъни теге дөньяда да гөнаһлы бәндәләргә нәкъ менә ут җәзасы вәгъдә ителгән. Киң мәгълүмат чараларында әле тегендә, әле монда янгын чыгу очраклары хакында хәбәрләр көн саен диярлек күренеп тора. Фәнни-техник прогресс, алга китүгә карамастан, аларның саны кимеми. Киресенчә, электр яки газ җиһазларының төзексезлеге нәтиҗәсендә чыккан янгын очраклары күбәя.

      Шушы уңайдан Илексаз  мәктәбендә ата – аналар җыелышына дәүләт янгын күзәтчелегенең баш дәүләт инспекторы Радик Госманов чакырылды. Ул үзенең чыгышында күптән түгел генә Саклаубаш авылында булып узган янгын турында сөйләде.

      Иң еш очрый торган бозуларга – ягыла торган мичләрнең төтен юллары, электр чыбыкларының төзек булмавы, мич алдына  тимер калайлар куелмавы, электр җиһазларында кулдан ясалган саклагычларны (предохранитель) куллану, газ баллоннарын бүлмәгә кертү һәм башкалар. Махсус режим чоры булуына да басым ясалды. Төрле шартлаткыч матдәләрне куллану да зыян гына китерәчәгенә ассызыклады. Янгын куркынычсызлыгы таләпләрен бозган өчен административ штраф каралганын да әйтеп үтте Радик Рафаэлович.

        Янгынны сүндерүгә караганда, аны булдырмый калу күпкә яхшы. Шуңа күрә хәвеф – хәтәрләрсез генә яшәсәк иде.

 Гөләндәм Хәлиуллина

Илексаз мәктәбенең тәрбия эшләре буенча директор урынбасары

Бүген Илексаз мәктәбендә ата - аналар җыелышы

Яңа ел кичәсе булды

"Бәйсез "Глаголица" әдәбият премиясе-2016" конкурсында катнашып, "Иң яхшы 100 эш" исемлегенә эләгүчеләрнең эшләре җыентык булып басылып чыкты. без быел беренче тапкыр гына катнаштык. Быел бу премия халыкара дәрәҗәдә үткәрелде. Катнашучылар  Рәсәйнең төрле төбәкләреннән генә түгел, Әрмәнстан, Белоруссия, Украинадан да бар иде. Менә шул балалар арасында безнең Илексаз мәктәбенең 9 нчы сыйныф укучысы Аида Байхуҗина да бар. Аны котларга район мәгариф бүлегенең җитәкче урынбасары Рузилә Радис кызы килде. Аидага тагын да югарырак уңышларга ирешүен теләп калабыз

Гиздатов Ильназ лего конструкторыннан робот ясады

Бәйсез "Глаголица" әдәбият премиясе - 2016" конкурсында без быел беренче тапкыр гына катнаштык. Быел бу премия халыкара дәрәҗәдә үткәрелде. Катнашучылар эшләре Рәсәйнең төрле төбәкләреннән генә түгел, Әрмәнстан, Белоруссия, Украинадан да килгән. Ике яшь категориясенә (10-13 һәм 14-17) 6 номинациядә барлыгы 801 эш кабул ителгән! Оештыручылар түбәндәге номинацияләрне тәкъдим иткәннәр иде: рус телендә проза, рус телендә поэзия, татар телендә проза, татар телендә поэзия, рус телендә эссеистика һәм француз, инглиз, немец, татар телләреннән рус теленә әдәби тәрҗемә...

    "Глаголица - 2016" үз эшен яздан ук башлап җибәрде. Һәм югарыда әйтелгәнчә 801 эш кабул итеп алынган. Мөхтәрәм жюри тарафыннан нигезләмә буенча башта махсус җыентыкка кертелү өчен 100 эш сайлап алынган, алар арасыннан һәр номинациядә яшь төркемнәре буенча бары тик өчәр генә эш авторы лауреат исеменә (30 кеше) лаек була.

    Һәм менә ниһаять оештыручылардан рәсми сайтлары, шәхси почта аркылы укучым Байхуҗина Аида Ленар кызы нигезләмә буенча 100 эш арасына сайлап алынуын белдем.

    19 нчы ноябрь көнне Казан шәһәре "Әкият" курчак театры бинасында (әти-әниләрне дә чакырып) премиянең йомгаклау тантанасы узды.

       Бу уку елында без лауреат исемлегенә эләгә алмадык. Киләсе елда тагын да тырышып иҗат итәрбез, дигән теләктә калабыз.

Гөләндәм Хәлиуллина Илексаз мәктәбенең югары категорияле татар теле укытучысы

     «Коррупциягә каршы көрәш атналыгы» кысасында Илексаз мәктәбендә бик күп чаралар узды.  Участок инспекторы Шәмсиев Радик Рәшит улы да бу темага укучылар алдында чыгыш ясады. Бигрәк тә тормыштан алынган хәлләр турында сөйләде. Ул укучыларга: “Ә сез диплом сатып алган табибка күренергә барыр идегезме?” дигән сорау белән мөрәҗәгать итте. Укучылар уйга калдылар. Укучылар радио-телевидение аша ишеткән, газеталар һәм Интернетта укыган фактларга тукталдылар.

«Коррупциягә каршы көрәш атналыгы» кысасында Илексаз мәктәбендә бик күп чаралар узды.  

      Мәктәпкә авыл мәдәният йорты хезмәткәре Гүзәлия Зарипова да килде. Ул да үз чиратында “Коррупция нәрсә ул? Ничек аңа каршы көрәшергә?” темасына чыгыш ясады. 

«Коррупциягә каршы көрәш атналыгы» кысасында Илексаз мәктәбендә бик күп чаралар узды.   Башлангыч сыйныф укытучылары рәсем ясаттылар. Балалар, “коррупция” сүзенең мәгънәсен  ачыклап, аның бүгенге тормышта нинди урын алып торуы хакында фикер алышкач, үзләренең әйтәсе килгән фикерләрен рәсемгә төшерделәр.

2014 елның 3 нче декабрендә илебездә  беренче тапкыр Билгесез солдат көне билгеләп үтелде.
     Россия Дәүләт Советы депутатлары тәкъдиме белән тарихи дата итеп билгеләнгән Билгесез солдат көне – яу кырларында башларын салып, исемнәре ачыкланмый калган сугышчыларны – Ватаныбыз улларын искә алу, аларның батырлыгы алдында  баш иеп, хәтерләрне яңарту ул.
    Илексаз мәктәбе дә бу чарадан читтә калмады. Тарих укытучысы Рәмзия Равил кызы Салихова 5-9 нчы класс укучыларына ачык класс сәгате уздырды.

–Бабайларыбызның яу кырында кылган тиңдәшсез батырлыклары барыбызга олы үрнәк. Без – аларның балалары, оныклары, сез – бүгенге мәктәп укучылары, аларның оныкчыклары – һәммәбез шушы үрнәктә туган илебез, җиребезгә патриотик хисләрне саклап, лаеклы алмаш булырлык итеп яшик!- диде ул үзенең уздырган чарасында.