Сарман  һәм  Петровка Завод    балалар  бакчаларының агидбригадалары арасында  «Әйдә  дус булыйк, юл!»  дип исемләнгән бәйге узды. Бәйгедә безнең балалар бакчасының мәктәпкә әзерлек төркеме балаларыннан торган агидбригадасы да катнашты. 

 Балалар  бакчасында  Яр  Чаллы шәһәренең   «Җиде диңгез» камера театры «Дию һәм тегүче» әкиятен күрсәтте. Нәни тамашачыларга әкият  бик ошады.

01.11.2017

Бүген  «Лилия» балалар бакчасында район ЮХИДИ бүлекчәсе хезмәткәрләре катнашында «Юл кагыйдәләре илендә» профилактик чарасы үткәрелде. Зурлар һәм мәктәпкә әзерлек төркеме балалары  юл йөрү кагыйдәләрен искә төшерделәр, сорауларга җавап бирделәр, үзләренең фикерләре белән уртаклаштылар. Балалар  өчен  күрсәтелгән     мультфильмнар    бик кызыклы һәм аңлаешлы булды. ЮХИДИ инспекторы балалар белән әңгәмә үткәрде. Алар үзләрен кызыксындырган сорауларга инспектордан җаваплар алдылар. Һәрбер балага бүләккә яктырткыч наклейкалар һәм буяу китаплары тапшырылды.

Көзге табигать белән кем генә сокланмый икән  дә, аның мул уңышларына кем генә сөенми  икән. Ә мәктәпкә әзерлек төркеме  балалары көзге бакчага сәяхәт иттеләр. Сәяхәт балаларга бик ошады. Күчтәнәчкә Көз кызы кәрҗин тутырып алма да бирде бит аларга.

Табигать һәрвакыт үзгәреп тора. Алтын көзне  дә көтеп алабыз, аның мул уңышларына сөенәбез. Уртанчылар төркемендә  узган көз бәйрәме дә көзге муллыкны мактау бәйрәме булды. Көз кызының мул итеп тулган кәрҗинендәге  һәрбер яшелчә һәм җиләк-җимеш турында балалар шигырь сөйләделәр, җырлар җырладылар.Балаларның матур биюләре  һәм күңелле уеннар бәйрәм иртәсен тагын да кызыклы итте.

Алтын көз диюгә, күз алдына матур сары төскә киенгән табигать килеп баса. Көзнең алтын булуы аның матурлыгы белән генә түгел, ә мул уңышы белән дә билгеләнә бит.  Зурлар төркемендә  көзге уңышка багышланган  Көз бәйрәме  бик кызыклы үтте. Бәйрәм матур җырлар, шигырьләр, биюләр һәм әлбәттә кызыклы уеннар белән үрелеп барды.

Бүген балалар әкият карадылар. Мәктәпкә әзерлек һәм зурлар төркеме балалары "Елмаю боз эретә" дип исемләнгән әкият куйдылар.  Әкиятне рус теле тәрбиячесе Г.Ф.Шайхзадина  сәхнәләштерде.

Сарман балалар бакчалары көзге ярминкәдә катнашты.

Балалар бакчасында "Көзге спортакиада" узды.

Балалар бакчасында балаларны юл йөрү   кагыйдәләренә өйрәтү буенча  эш  даими алып барыла.Шөгыльләрдә алган белемнәрен балалар автошәһәрчектә ныгыталар.