Җәйге чорда балалар күбрәк саф һавада уйныйлар.Ә урамда бигрәк  тә игътибарлы булырга кирәк.Юл йөрү кагыйдәләрен белү генә түгел,ә төгәл үтәргә кирәклеген өйрәтәбез."Тылсымлы юл билгеләре" тамашасы да сабыйларны: юлда сак булыгыз!- дип кисәтте.

Беренче кечкенәләр төркемендә бүген Сабантуй! Матур итеп бизәлгән участокта нәниләрне  әти-әниләре каршы алды.Балалар күмәкләп "Һәр вакыт булсын кояш!" җыры белән кунакларны  сәламләде. Сабантуй ярышлары бик күңелле үтте.Тәрбияче Ризидә апалары һәр баланы җиңүгә дәртләндереп торды.Әти-әниләр дә бүләкләрне мулдан өләште. Бәйрәм һәммәбезгә ошады.

Рәхмәт,кояш!

Таң китердең.

Бар дөньяны ялт иттердең.

Нурың төште бакчабызга.

Җылы,рәхәт барчабызга.

(В.Хәйруллина)

Зурлар төркеме балалары җыелышып велосипедларын,самакатларын алып килделәр дә,рәхәтләнеп автомәйданчыкта җилдерәләр! Монда юл билгеләре дә куелган, җәяүлеләр сукмагы да бар, машиналар да куркыныч ясап чапмый.Өйрән генә!

По итогам анкетирования  в  средней группе узнали, что родителей больше всего интересует обучение русскому языку. Воспитатель по обучению русскому языку Ашрафуллина Н.Ф.провела для них занятие . Дети показали свои знания: отвечали на вопросы, рассказывали стихи-работали очень активно и с интересом. Родители остались довольны.

Бөек Җиңү! Онытмыйк Җиңү батырларын!

-Балаларга Бөек Ватан сугышы турында таныштырганда   без ел саен сугыш ветераны Нәкыя Фарукшинаны  очрашуга чакырабыз.  Үзе шушы бакчада тәрбияче булып эшләгән  Нәкыя апабыз балаларга бик үтемле итеп Җиңү өчен куелган тырышлыклары турында сөйләде.Сугыш афәтен җиңүдә катнашкан Нәкыя апага  балалар да осталыкларын күрсәттеләр.

Мәктәпкә әзерлек төркеме  бөек шагыйребез Г.Тукай туган көне уңаеннан зур бәйрәм үткәрде.Тукайның онтылмас  әкият-шигырьләрен инценировкалап та, яттан сөйләп тә, җырлап та күрсәттеләр. Кечкенә тамашачылар аларга шатланып алкышладылар.

Халкыбызның гореф-гадәтләре,йолалары,тормыш көнкүреше чагылыш тапкан бәйрәмнәре балаларны җитезлектә,көчкә,зирәклеккә сынау ул.Зурлар төркемендә үткәрелгән "Карга боткасы"бәйрәме дә балаларның иҗат мөмкинлекләрен ачу белән беррәттән, аларда өлгерлек, тапкырлык,кешелеклелек кебек күркәм сыйфатлар тәрбияләргә булышты.