Бүген, XVI район сәләтле балалар өчен, Бөек Җиңүнең 80 еллыгы, Россиядә һәм Татарстанда Ватанны саклаучылар елы уңаеннан оештырылган "Җырлы балачак илендә" бәйгесесенең зона туры булып үтте. Бәйгенең бурычлары һәм максатлары булып, укучылар, яшьләр, студентлар арасында сәләтле балаларны барлау, яшь талантларны профессиональ сәхнәгә әзерләү, катнашучыларның башкару осталыгын арттыру, татар халык көйләрен һәм классик әсәрләрне пропагандалау, туган телгә мәхәббәт тәрбияләү, милли гореф-гадәтләрне саклауга юнәлеш бирү тора. Әлеге бәйгедә Азалак төп гомуми белем бирү мәктәбе укучылары да матур итеп чыгыш ясап, үзләренең осталыкларын, сәләтләрен күрсәттеләр. Мәктәбебез исеменнән "Шатлык" бию төркеме башкаруында татар биюе "Күбәләк", "Шатлык" бию төркеме башкаруында рус халык биюе "Яблочко", Шафигуллина Әдилә башкаруында "Испан" халык биюе башкарылды. Балаларны өйрәтүдә, әзерләүдә, аларның сәләтләрен ачуда, үстерүдә үзеннән зур өлеш хореограф Шафигуллина Г.Ф.га зур рәхмәтебезне җиткерәбез. Җыр, бию сәнгате - кешенең балачагыннан алып, соңгы минутына кадәр аерылмас юлдашы. Күңелләрне юатырлык җырларыбыз, йөрәкләрне җилкендерерлек биюләребез бар. Сәнгатькә тартылган, сәнгатьне яраткан һәр бала матурлыкны ярата. Ә матурлыкны яраткан бала беркайчан да начарлык эшләми. Ул мәрхәмәтле, ярдәмчел була. Сәнгать аның гомерлек юлдашына әверелә. Балалар безнең киләчәгебез! Җыр, моңга, сәнгатькә гашыйк укучыларыбыз булганда илебез, телебез яшәр, үсәр диеп ышанасы килә!!!