Гаилә һәм мәктәпнең төп тәрбияви бурычларыннан берсе- нәселебезнең, татар халкының лаеклы сәламәт дәвамчыларын тәрбияләү. Бернинди яңа технологияләр дә халык педагогикасы алымнарын кысрыклап чыгара алмый дип саныйбыз. Чөнки гореф-гадәтләр халыкның үткәнендә дә,бүгенгесендә дә, киләчәгендә дә урын алып тора һәм  торачак.

    Бу атнада мәктәбебездә татар теле һәм әдәбияты укытучыларының " Гаиләнең гореф-гадәтләре һәм  йолалары - яшьләрне тәрбияләү нигезе" дигән темага ММБ утырышы булып узды. "Гаилә һәм аның күркәм гадәтләре дигән ачык чарада укучыларыбыз әниләре белән катнашты. Һәр гаилә үз гореф- гадәтләрен презентацияләр аша бик матур итеп таныштырды. Әниләребез үзләренең пешереп алып килгән милли ризыклары һәм кул эшләре турында кызыклы итеп сөйләделәр, яраткан җырларын башкардылар, биеделәр, төрле кызыклы уеннар белән күңел ачтылар. Бәйге бик күңелле узды. Һәр гаилә төрле номинацияләр буенча дипломга лаек булды. Бәйрәмебез төрле милли ризыклар белән тулы өстәл артында чәй эчү белән тәмамланды.

    Әлеге утырышта 5 сыйныфта  "Фонетика һәм орфоэпия бүлеген кабатлау" темасына ачык дәрес, башлангыч сыйныф укытучылары җитәкчелегендә 1-4 сыйныфлар өчен "Минем гаиләм- минем бәхетем" дигән сыйныфтан тыш ачык  чара һәм инглиз теленнән 6 сыйныфта "Хайваннар турында сөйләшик" дигән темага ачык дәрес күрсәтелде.