<span times="" new="" roman',="" serif;="" font-size:="" 14pt;="" line-height:="" 115%;="" text-align:="" justify;"="">Начались долгожданные каникулы. (с 19 по 28 марта). На каникулы запланировано: консультации, пробные экзамены,  работа со слабоуспевающими и одаренными, кружки, спортивные соревнования и различные конкурсы.

Юлбат мәктәбендә 17 март көнне чирек нәтиҗәләре буенча әти-әниләр җыелышы үткәрелде. Башлангыч сыйныф укытучысы Низамиева Ф.Ф. тарафыннан "Халык педагогикасының тәрбия процессында роле" дигән темага доклад укыды.

  Директор урынбасарлары Энҗе Фаһимовна, Гөлсинә Раяновна уку һәм тәрбия торышы белән таныштырдылар, аннары классларда әти-әниләр белән сөйләшүләр оештырылды. Мәктәп директоры Әхмәтов А.Х., авыл советы рәисе Шәмсиев Т.Р. әти-әниләргә, укучыларга булган таләпләрне, авылда буласы чараларны искә төшереп үттеләр.

Бүген, 17нче  март көнне,  татар теле һәм әдәдбияты укытучысы Галимуллина Д.Г. Экология елы уңаеннан, 5, 7-9нчы сыйныф укучылары белән “Табигать  - туган йортыбыз” дигән темага ачык чара үткәрде. Әлеге чарада укучылар экологик мәсьәлә чиштеләр, әдәби әсәрләрдә экологик проблеманың бирелеше белән таныштылар. Соңыннан  табигатьнең тиңсез хәзинә булуы, аны сакларга, тагы да баетырга кирәклеге турында үзләре нәтиҗә ясадылар.

14 март көнне мәктәбебездә технология укытучыларының районкүләм семинары узды. Семинар "Төп мәктәптә технология дәресләрендә универсаль уку гамәлләре булдыру" дигән тема астында үткәрелде. Технология укытучысы Мөбәрәкҗанов Р.Р. һәм Хәсәнова М.М. 5, 6 сыйныфларда ачык дәресләр күрсәттеләр һәм мастер -класслар оештырдылар. Семинар оешкан төстә технология фәне буенча төп мәсьәләләргә таянып алып барылды.

8 март көнне Лесхоз бистәсендә ике тапкыр паралимпия уеннары чемпионы Рушан Миңнегулов призына чаңгы ярышы үткәрелде. Безнең мәктәптән дә анда өч укучы катнашып яхшы нәтиҗәләр күрсәттеләр. Медаль һәм грамоталар белән бүләкләнделәр.

       Балаларны табигатьнең гүзәллеген күрә белергә өйрәтү, “ Кызыл китап”, анда кертелгән үсемлек, бөҗәк, хайваннар белән таныштыру, табигать байлыкларына: су, үсемлек, җәнлек, бөҗәкләргә сакчыл караш тәрбияләү максатыннан, 2,3,4 нче  сыйныфларда “Кызыл китап ни сөйли?” дип исемләнгән сбор үтте. Укучылар “Кызыл китап”ның килеп чыгу  тарихы белән таныштылар, сорауларга җаваплар бирделәр.  Шул ук вакытта 2017 ел -  Экология һәм иҗтимагый киңлекләр елы  булуына басым  ясалып, көчләреннән килгән кадәр  туган җиребез  табигатен саклау  максат итеп куелды. 

9 март  көнне башлангыч сыйныфлар атналыгының өченче көне “Математика иле” дәвам  итте. “Күңелле цифрлар” бәйгесе һәм дәресләр уен элементлары белән кызыклы итеп уздырылды.

Хөрмәтле хатын-кызлар!

Кояш нурларына, тамчылар чыңына төренеп март ае да килеп җитте. Табигатьнең язгы үзгәреш кичергән бер мәлендә без гүзәл затларыбызның иң күркәм бәйрәмен – 8 Март Халыкара хатын-кызлар көнен билгеләп үтәбез. Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба. Бу матур бәйрәм көнендә безнең ихлас котлауларыбызны кабул итегез.

Язгы гөрләвекләр сезнең тормышыгызга җылылык, саулык-сәламәтлек, эшегездә уңышлар, күңел тынычлыгы, күтәренке кәеф, бәхет алып килсен!

Мәктәбебездә башлангыч сыйныфлар атналыгы башланды. Күргәзмәгә “Лучший каллиграф”  бәйгесенә тәкъдим ителгән эшләр урнаштырылды. “Знатоки сказок”, “КВН по русскому языку” бәйгеләре күңелле һәм мавыктыргыч булды. “Возьми, расскажи, получи” акциясе старт алды.

Мәктәбебездә 20 нче февральдән 3 нче март көннәре аралыгында инглиз теле атналыгы булып узды. Атналык бик эшлекле һәм мавыктыргыч булды. Укучыларда инглиз телен өйрәнүгә кызыксынуны арттыру максатыннан инглиз теле укытучылары Мазитова Р.Г. һәм  Шафигуллина  Э.Ф.лар һәр сыйныфта төрле чаралар үткәрделәр.

Башлангыч сыйныф укучылары арасында  КВН, 5 нче сыйныфта “Могҗизалар кыры” уены, 6нчы сыйныфта  КВН,7нче сыйныфта  “Лондонга сәяхәт”  уен-викторина, 8-9нчы сыйныфларда “Нәрсә? Кайда? Кайчан?” уеннарында укучылар бик актив катнаштылар. Шулай ук 23нче февраль  көне  уңаеннан  5-9 сыйныф кызлары  егетләрне котлап  бәйрәм открыткалары яздылар. Мультфильм  геройларын чагылдырган рәсем конкурсында да укучылар бик теләп катнаштылар.