Язгы каникул тәмамланып, мәктәбебез кичә кабат балаларның шат авазларына күмелде. Уку елының соңгы чиреген  тагын да тырышып, авырмыйча укып бетерүләрен телибез.

Башлангыч сыйныф укытучыларының профессиональ осталыкларын арттыру  максатыннан 28 март көнне Саба гимназиясе базасында чираттагы укулар узды.

27 нче мартта "Я Мастер" конкурсында технология укытучылары җитәкчелегендә Сайфуллина Л., Дәүләтшин Р катнашып уңышлы чыгыш ясап, рәхмәт хатлары белән  бүләкләнделәр.

25  нче март көнне Лесхоз бистәсендә Атказанган урманчы Нургали Миннеханов истәлегенә үткәрелгән шахмат турнирында 2 нче класс укучысы Шәмсиева Талия, 6 нчы класс укучылары:Фатхриева Алсинә, Әгъләмутдинов Әлфис, Хазиев Русланнар катнашып, уңышлы гына уйнадылар. 

Укучыларыбыз бик тырышып Я-Мастер конкурсында катнашырга әзерләнәләр.  8 нче сыйныф укучылары Сайфуллина Л. һәм Дәүләтшин Р. технология укытучылары белән берлектә мәктәптә әзерлек эшләре алып баралар.

Язгы каникул көннәре дәвам итә. Бүген Юлбат төп мәктәбенең 5-6нчы сыйныф укучылары “Нарат” боз  сараена сәяхәткә  бардылар.

Сегодня родительский комитет 8 класса «Таяныч»  выступил в рамках зонального конкурса родительских комитетов. Наши самые лучшие, самые активные  родители завоевали симпатию всех зрителей. Выступили очень хорошо! Дирекция школы благодарит всех  участников и организаторов конкурса,  желает крепкого здоровья и дальнейших успехов!

Нәүрүз - бу сүзнең мәгънәсе фарсыча “яңа көн” (нәү – яңа, рүз – көн) дигәнне аңлата. 21 март – яз фасылының көн белән төн тигезләшкән көне. Бу  - табигатьтә чын–чынлап яз башланган көн. Бәйрәм укучыларның язгы каникул чорына туры килгәнгә, Мәдәният йорты каршында иртәдән үк укучыларның шат авазы яңгырап торды. Бер читтә учак ягып, казанда “Карга боткасы” пешерәләр, икенче урында - укучылар чыгышлары.Уеннар концерт  номерлары белән үрелеп барды.Бәйрәмгә укучыларның әти-әниләре дә, өлкән яшьтәге әби-бабайлар да килгән иде. Аннары барысы бергәләп өстәл артында кайнар чәй, ботка, коймаклар һәм бик күп төрле тәм-томнар белән сыйландылар.

Укучыларыбыз төрле фәннәрдән консультацияләргә йөриләр. Бүген  7 нче сыйныф укучылары география, информатика, математика фәннәреннән үз белемнәрен ныгыту өстендә эшләделәр. Алдагы көннәрдә рус теле белән шөгыльләнәчәкләр. Шулай ук башлангыч сыйныф укучылары да әзерлек эшләре алып баралар.

Бүген укучылар сайлап алу фәннәре - физика, биологиядән төп дәүләт имтиханнарын тапшырып карадылар. Үз белемнәре нинди дәрәҗәдә икәнен ачыклау мөмкинлеге укучылар өчен бик файдалы булды.