22 октябрь көнне башлангыч сыйныф укучылары арсында «Күңелле стартлар “уеннары үткәрелде.
Чарада барлык башлангыч сыйныф укучылары да катнашты. Физкультура укытучысы Гатиятов Р.Р. алып барды. Укучыларга бик ошады.

Бүген мәктәбебездә 1 нче сыйныф укучылары һәм аларның әти-әниләре катнашында җыелыш үткәрелде.Сыйныф җитәкчеләре Рәйхана Ханафияовна белән берлектә Татарстан турында презентация караганнан соң, һәрбер укучыга “Укучының мәдәни көндәлеге” тапшырылды.

  17 октябрь көнне Мәгариф хезмәткәрләре җәйге спартакиадасының  финал этабы  Мамадыш шәһәрендә үтте. Уңышлар куанычлы. Саба районы укытучылары командасы гомуми зачетта республика күләмендә II   урын яулады. Шушы команда составында катнашып,  җиңел атлетика эстафетасында I урын яулаган  хезмәттәшебез Дәүләтшин Нияз Илгиз улын чираттагы зур уңышы белән котлыйбыз!

Бүген мәктәбебездз    балигъ булмаган балалар  белән  эшләүче  инспектор  Сибагатов  Айгиз Анасович белән очрашу булды.Ул үзенең  чыгышыда укучыларга  хокук бозулардан  сак булырга  кирәклеген  аңлатты.Кичке   уннан соң 18 яше тулмаган  балаларга  әти–әниләреннән башка урамда йөрергә  ярамавы турында тагын бер кат исләренә төшерде. Һәм  укучыларның  һәркайсында   яктырткыч  браслетларның  булырга  тиешлеген , юл йөрү кагыйдәләрен төгәл үтәргә кирәклеге турында аңлатып узды.

Бүген мәктәбебездә “Дөньяда иң зур дәрес”  темасына сыйныф сәгате узды. Аны 7 нче сыйныф җитәкчесе Рәмзия Габдрәүфовна әзерләде. Сыйныф сәгатендә 5-9 сыйныф укучылары да катнашты. Мультфильм, презентацияләр  ярдәмендә сыйныф җитәкчесе физик кимчелекләре булган кешеләрнең үз өстендә эшләүләре нәтиҗәсендә зур дәрәҗәләргә ирешүләре, авырлыклар алдында куркып калмаулары турында сөйләде. Аларга карата ихтирамлы, игътибарлы булырга кирәклеген җиткерде.

Мәктәбебездә "Уңыш бәйрәме"нә әзерлек бара. Шул уңайдан башлангыч сыйныф укучылары тарафыннан көзге муллыктан күргәзмә оештырылды.

Бүген мәктәбебездә 15 октябрь Хәтер көненә карата чара узды, китаплар күргәзмәсе куелды. Анда 1552 елның октябрендә Явыз Иван гаскәрләре белән сугышып, Казан ханлыгы өчен шәһит киткәннәр искә алынды.     Хәтеребез  яңартыды.

Укучыларда китап укуга теләк уяту, китапка мәхәббәт тәрбияләү, сакчыллыкка өйрәтү, сөйләм телләрен үстерү, фикерләү сәләтен үстерү максатыннан, бүген 5,6 сыйныф укучылары  катнашында  “Китап төзелеше “ дип исемләнгән китапханә дәресе булып узды. Укучылар актив катнашып үзләренә күп мәгълүмат алдылар. 

Сентябрь, октябрь айларында укучыларның бөтенроссия олимпиадасының мәктәп турлары бара. Укучылар, бар тырышлыкларын куеп,үзләре яраткан фәннәрдән көчләрен сыныйлар. Бүген информатика фәне буенча бәйге үтте. Укучыларга алда үтәчәк район һәм республика турларында да уңышлар телибез.