6 нчы январь көнне 1 нче, 2 нче сыйныф укучылары сыйныф җитәкчеләре Фатхриева Р.Х., Низамиева Ф.Ф. белән берлектә “Боз сарае”на бардылар.  Укучылар “Боз сарае”ннан күтәренке күңел белән кайттылар.

Сезне барыгызны да Яңа 2016 ел бәйрәме белән котлыйбыз! Яңа еллар Сезгә бәхет-шатлык, сәламәтлек, эшегездә һәм укуыгызда зур уңышлар алып килсен. Яңа еллар мөбарәк булсын!

27 декабрь көнне 1-6 сыйныф укучылары өчен Яңа ел бәйрәме оештырылды. Укучылар үзләренең матур һәнәрләрен күрсәттеләр, чыршы тирәсендә әйлән-бәйлән уеннары уйнадылар. Бәйрәм бик матур узды.

26 декабрь көнне 7-9 сыйныф укучыларының Яңа ел бәйрәме узды. Алдагы елларда мәктәпне тәмамлаган укучыларыбыз кунакка чакырылды. Бәйрәмдә төрле конкурслар, уеннар оештырылды, концерт номерлары белән үрелеп барды. 2015-2016 нчы уку елының беренче яртысында яхшы нәтиҗәләргә ирешкән укучыларыбыз бүләкләүләргә лаек булды.

Мәктәбебездә  2 чирекне йомгаклау уңаеннан ата-аналар җыелышы булды. Җыелышның гомуми өлешеннән соң әти-әниләр һәр укытучы белән булган проблемаларны чишү юлларын эзләделәр, үзләре, балалар һәм укытучылар алдындагы бурычларны аныкладылар.

Мәктәбебездә  тимурчылык эше дәвам итә. Укучылар даими рәвештә ялгыз әби - бабайларыбызга барып хәлләрен белеп, ярдәм итеп, бәйрәмнәр белән котлап торалар. Әлбәттә  өлкәннәр дә канәгать, хәер – догалары белән укучыларны озатып калалар.

Менә тиздән, бик тиздән үзенең өр-яңа шатлыклары, мәшәкатьләре, матур  бәйрәмнәре  белән  2016 нчы  Яңа ел туган җиребезгә аяк  басачак. Мәктәбебездә бәйрәмгә әзерлек -“Кыш бабай мастерскоенда” эш гөрләп бара.

Мәктәбебездә яңа елга әзерлек эше бара. Һәр сыйныф үзенең кызыклы һәм яңалыкларга бай булган газетасын чыгарып элде. Мәктәп каршында матур сыннар ясалды.

  Во исполнение указания МО и Н  РТ №2672/15  от 12.12.2015года 19 декабря, во время классных часов,  был проведён Всероссийский интернет-урок Доброты. Цель классных часов  - формирование в детях толерантного отношения к инвалидам и лицам с ограниченными возможностями.  На уроке Доброты школьники просмотрели видеоролик «Соединение – о фонде». Состоялось знакомство с Русским Жестовым Языком (РЖЯ), азбукой Брайля, письмом на ладони печатными буквами – демографией, для слепоглухих, азбукой дактилологией. 

Сезне олы бәйрәмең — 60  яшьлек юбилеең белән чын күңелдән котлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез. Киләчәгең җыр кебек матур, кояш кебек якты булсын.

Туачак таңнарың һәрвакыт нурлы, күк йөзең һәрвакыт аяз булсын. Гел шулай елмаеп, кешеләрне сөендереп яшә!

Һәр яңа көн бәхет алып килсен,

Алсу таңнар күмсен шатлыкка.

Яшәү  дәрте янсын йөрәгеңдә,

Картаерга һич тә ашыкма!