Семинарның 3нче өлешендә тәрбиячеләр Саба дулкыннарында "Чын куңелдән" сөйләшү тапшыруы(җырлы-биюле күңел ачу кичәсе) карадылар. 

"Ил сакчылары" атналыгында әтиләргә багышлап "Минем әти солдат булган" дигән стенд ясадык. 

22 февраль көнне әти- әниләр өчен чираттан тыш җыелыш Юлбат урта мәктәбе белән берлектә  үткәрелде.Җыелышта авыл җирлеге башлыгы Шамсиев Т.Р. һәм участок инспекторы Бәдриев И. катнаштылар.
 Балалар бакчасы мөдире Кадирова Гөлназ Гаязовна барлык әти-әниләрне Республика буенча балаларга эшләнгән кискен чаралар белән таныштырды һәм аларны булдырмау чараларын аңлатты.Мәгариф министрлыгыннан килгән хат һәм искәрмә белән таныштырды. Балалар бакчасындагы хезмәткәрләргә һәм әти-әниләргә балаларның сәламәтлеген саклау, аларны хәвеф- хәтәрләрдән саклау өчен бөтен чараларны күрергә һәм үтәргә кирәк дигән карар кабул ителде.   

Балалар бакчасында 21 февраль көнне "Әтием горурлыгым" дигән бәйрәм кичәсе уздырылды.Балалар әтиләргә шигырьләр сөйләделәр,җырладылар,биеделәр соңыннан алар әтиләргә үзләре ясаган бүләкләрен бирделәр.

Муса Җәлил дөньяның горурлыгы, күп милләтле әдәбиятның, бөтен прогрессив кешелек культурасының мактанычы. Аның  шигырьләрендә батырлык рухы һәм ихтыяр көче ташып тора. Алар Ватанга, халыкка тирән мәхәббәт, хак эшнең тантана итәчәгенә ышаныч белән сугарылганнар. Тирән мәгънәле, искиткеч нәфис, ялкынлы бу шигырьләрне укыганда, Муса Җәлилнең батырлыгына, рухи сафлыгына, намуслылыгына сокланмый мөмкин түгел! Ул миллионнар өчен яшәү үрнәге булып әверелде.

Балалар бакчасында  Муса Җәлил иҗатына багышлап  буклет ясадык.Аның тормышын,иҗатын чагылдырган презентация белән балаларны таныштырдык.

 Балалар өчен язылган шигырьләрен укыдык.

Бакчада "Уттан саклан" атналыгы бара.Балалар янгын куркынычсызлыгы кагыйдәләре белән таныштылар.Шул темага рәсемнәр ясадылар,презентация карадылар.

Балалар рәхәтләнеп чаңгыда шуалар.

Бакчабызда балалар белән чисталык дәресе уздырдык.Аларга гөлләрне ничек итеп тәрбияләргә,табигатьне сакларга,ойрәттек.Балалар куп яңалыклар белән таныштылар.

Кунак булып ак сакаллы
Кыш бабай килгән безгә.
Яшел чыршы астына
Бүләкләр куйган безгә.

Бакчабызда ясалган сыннар әйләнә-тирәгә ямь  биреп тора!