Һәр елны бакчабызда Г.Тукай туган көнен билгеләп утәбез. Быел да аның иҗатына багышлаган кичә уздырдык.Балалар Тукай әкиятләрен карадылар,шигырьләрен яттан сөйләделәр,җырларын җырладылар.

Бу атнада балалар бакчасы "Һөнәрле үлмәс" темасы астында эшләде.Балаларны татар халкының рухи мирасы,күңел җәүһәрләре белән таныштыру максат итеп куелды.Атналык дәвамында балалар калфак кисеп ябыштырдылар,түбәтәй ясадылар,шыгырьләр,табышмаклар,мәкальләр өйрәнделәр.Атналыкны йомгаклап "Алтын куллы әбием" әбиләрнең кул эшләреннән күргәзмә оештырдык.

Балалар бакчасында бу атнада галәм киңлекләре белән таныштык.Галәмне балалар рәсемгә төшерделәр,бик күп яңалыклар белән таныштылар. 

Кошлар атналыгында балалар кошлар турында ойрәнделәр,рәсемнәр ясадылар,пластилиннан кош сыннары ясадылар.Табигатьтә кошларны күзәттеләр.

Яңа бию өйрәнәбез.

Балалар кышның соңгы карында рәхәтләнеп уйныйлар.

Балалар бакчасында "Әбием алтыным-минем иң якыным" дигән бәйрәм кичәсе уздырдык.Бәйрәмгә әбиләрне чакырдык.Аларга матур җырлар,шигырьләр,биюләр бүләк иттек.Балалар үзләре ясаган бүләкләрен бирделәр.Бәйрәмне чәй табыны артында дәвам иттеләр. 

Буген Юлбат балалар бакчасына район балалар бакчасыннан тәрбиячеләр семинарга килделәр.

Тәрбиячеләр "Без кышны яратабыз" темасына интеграль шөгыль( әйләнә-тирә,математика,кисеп ябыштыру) карадылар.Балалар шөгыльдә бик актив катнаштылар,сорауларга дөрес җавап бирделәр.Тәрбияче куйган максатына иреште.