Бакчабызга  мәктәпкә баручы балаларның әзерлеген тикшерү максатыннан  район мәгариф бүлегеннән комиссия  килде.Безнең бакчадан мәктәпкә китуче балага диагностика уздырылды.Нәтижә уңай !Бала мәктәпкә әзер.Алга таба да уңышлар телибез!

Игьлан ителгән экология айлыгыннан безнең бакча да читтә калмады. Шул уңайдан балалар белән табигатькә экскурсиягә чыктык,андагы матурлыкны күзәттек,чисталыкны, агачларны сакларга кирәклеген балаларга төшендердек һәм шул гәзәллеккә үз өлешебезне керттек- агачлар утырттык. Табигать хәзинәләрен җыеп алып кайтып бакчабызда күргәзмә ясап куйдык.Бу сәяхәт балаларга бик ошады һәм ул аларның күңелләрендә озак вакытка сакланыр.

Һәр елны бакчабызда Г.Тукай туган көнен билгеләп утәбез. Быел да аның иҗатына багышлаган кичә уздырдык.Балалар Тукай әкиятләрен карадылар,шигырьләрен яттан сөйләделәр,җырларын җырладылар.

Бу атнада балалар бакчасы "Һөнәрле үлмәс" темасы астында эшләде.Балаларны татар халкының рухи мирасы,күңел җәүһәрләре белән таныштыру максат итеп куелды.Атналык дәвамында балалар калфак кисеп ябыштырдылар,түбәтәй ясадылар,шыгырьләр,табышмаклар,мәкальләр өйрәнделәр.Атналыкны йомгаклап "Алтын куллы әбием" әбиләрнең кул эшләреннән күргәзмә оештырдык.

Балалар бакчасында бу атнада галәм киңлекләре белән таныштык.Галәмне балалар рәсемгә төшерделәр,бик күп яңалыклар белән таныштылар.