Бу атнада мәктәбебездә география, тарих, җәмгыять белеме атналыгы хакимлек итте. Атналык кысаларында 16 декабрь көнне география укытучысы Шафигуллина Әнисә Габделхәмит кызы "Географик турнир" дип исемләнгән класстан тыш чара үткәрде. 7 нче һәм 8 нче сыйныф укучылары 3 командага бүленеп көч сынаштылыр.

"Кем ул? Нәрсә ул?" дип аталган беренче турда укучылар географик терминнарга билгеләмәләр бирделәр. II тур "Сүзсез сөйлә" дип исемләнде. Һәр команда үзенә билгеләнгән объектны тасвирлап күрсәтте. III тур - "Географик скакал" Һәр команда әгъзасы скакалка аша үз командасына эләккән географик объект үсемлеген әйтеп сикерергә тиеш. "Тылсымлы хәреф" - дит аталучы IV турда команда әгъзалары бер үк хәрефкә башланган диңгез, елга, тау, дәүләт, башкала, утрау, ярымутрау, күл исемнәре атадылар.Соңгы тур - "Сукыр картограф". Күз бәйләгән килеш океаннарны һәм материкларны гадәти картадагы тәртиптә урнаштырырга кирәк иде.

 Һәр тур арасында җанатарлар өчен дә төрле конкурслар үткәрелде.

 Кичә ахырында команда әгъзаларына һәм конкурсларда җиңү яулаган җанатарларга грамоталар тапшырылды.