Китапханә ул–серле дөнья. Мәктәпнең эчке тормышы китапханә белән бәйләнгән. Октябрь ае – халыкара мәктәп китапханәләре айлыгы дип игълан ителгән иде. Әлеге айлык китапханәнең абруен арттыру, китапханәгә балаларны мөмкин кадәр күбрәк тарту, аларда китапка мәхәббәт тәрбияләү максатында үткәрелә. Айлык барышында төрле чаралар, кичәләр уздырыла.

    1-4 сыйныф укучылары белән “Син беләсеңме?” энциклопедик китаплар буенча сорау-җавап  уены үткәрелде. 2-4 сыйныф укучылары белән “Тәгәри китте йомгак”           - иң оста әкият сөйләүчеләр конкурсы үткәрелде. Җиңүчеләр билгеләнеп аларга бүләк һәм мактау кәгазе тапшырылды. 1  сыйныф  укучылары өчен “Кәрзинемдә әкият” дип исемләнгән викторина булып узды. Кешелек  байлыгы – китап, ләкин китап тирәсендәге даирә тарая бара: укучы кулыннан китапны башта телевидение тартып алса, хәзер интернет тагын да кысрыклады. Китап – фикер йөртү алымы. Матур фикер йөртә белмибез икән, матур тормыш төзеп булмый.  Яшәргә акыл туплау өчен, китапны һәрвакыт өстен куегыз!- дигән сүзләр белән бу айлыкка йомгак ясыйсым килә.