Бүген республикабызның барлык мәктәпләрендә дә “ Чисталык дәресе” акциясе үтә. 

       Безнең илебез урманнар, кырлар, чәчәкләргә бик бай. Урманнарыбызда бик күп гөмбәләр, чәчәкләр, җиләкләр үсә; елга һәм күлләрендә бик күп балыклар йөзә. Кеше кая гына яшәмәсен, шәһәр, авыл, ул һәрвакыт үсемлекләр, хайваннар, кошләр, бөҗәкләр белән әйләндереп алынган. Кеше табигатьтән башка яши алмый, ләкин ул кайвакыт табигатькә зыян салганын сизми дә кала.

      Табигатьтә булган экологик проблемалар белән борчылмаган кеше юктыр: һава пычрану, су һәм тирә-юньнең пычрануы.

      Мәктәбебездә әлеге темага дәресләрне биология укытучысы Халиуллина Руфия Рәис кызы һәм география укытучысы Шафигуллина Әнисә Габделхәмит кызы     1-4, 5-8 нче сыйныф укучылары өчен үткәрделәр. Дәресләрдә экология фәненең нәрсә турында өйрәнгәнен, экологик проблемалар һәм аларны хәл итү юлларын ачыкладылар. Укучылар тирә-якны саклауга үзләреннән керткән өлешләре,  күпме агач утыртулары һәм чишмәләрне чистартулары турында сөйләделәр. Каты көнкүреш  калдыкларын юкка чыгару , аларны икенчел эшкәртү юллары турында презентация  күрсәтелде.