Саулык – иң зур байлык, диләр.  Чөнки ул булмаса, кеше бик күп нәрсәләрдән мәхрүм. Сәламәтлек – кеше бәхетенең нигезе, исәнлек булганда гына кеше үзенең теләк – омтылышларына ирешә, тирә - юньне танып белә, җәмгыять  тормышында актив катнаша, хезмәттән, уеннар, бию һәм физик кәнегүләрдән канәгатьлек ала.

     Безнең мәктәптә җәйге лагерьлар вакытында да физкультура һәм спортка зур игътибар бирелә. Лагерьның беренче атнасы – “Сәламәтлек атнасы” буларак үтә. Һәр иртә спорт мәйданчыгында йөгерүдән һәм гимнастикадан башлана.

      Балаларны физик яктан тәрбияләү максатыннан,  футбол, волейбол, баскетбол , бадминтон уеннары, хәрәкәтле уеннар,  җәяүле сәяхәтләр еш оештырыла. Укучыларыбыз барысы да әлеге чараларда бик теләп, актив катнашалар.