Моннан дүрт гасыр элек үз дәүләтчелеген саклап калу өчен барган гаять авыр көрәштә Россия халкы зур җиңүгә иреште. Башкаланы чит ил баскыннарыннан азат итү илнең күтәрелешенә этәргеч бирде. Күпмилләтле Ватаныбызның киләчәктәге уңышларына, бөеклегенә һәм алгарышына таба тарихи адым ясалды.

Бик күптән булган әлеге вакыйгаларның безнең як тарихына турыдан-туры бәйләнеше бар. Казан каласы халык ополчениеләрен оештыру үзәкләренең берсе була. Мәшһүр икона гаскәри-яугирләргә һәм аларның җитәкчеләренә нәкъ менә безнең шәһәрдән юллана.

Көчле дәүләт, күпмилләтле халыкның бердәмлеге, ватанпәрвәрлек - Россия Федерациясе һәм илнең динамик үсештәге төбәкләреннән берсе булган республикабыз казанышларының төп нигезләрен менә шулар тәшкил итә.

Халыклар бердәмлеге көне тирән патриотик мәгънәгә ия. Яшь буында ил тарихына, ата-бабаларыбыз каһарманлыгына ихтирам тәрбияләү иҗтимагый мөнәсәбәтләрне яхшыртуга ярдәм итә.

   Әлеге уңайдан, тарих укытучысы Талипов Ирек Марселевич 8-9 нчы сыйныф укучылары белән “Халыклар бердәмлеге көне, аның әһәмияте” дигән темага тирән эчтәлекле дәрес үткәрде. Укучыларны кызыксындырган сорауларга җаваплар бирде.