“ Сәламәт тәндә - сәламәт акыл” дигән сүзләр күп нәрсә турында сөйли. Ләкин сәламәт тән һәм сәламәт акыл кешегә үзлегеннән генә бирелми. Сәламәтлекне, тышкы һәм эчке матурлыкны яулап алырга һәм аның өчен көрәшергә кирәк.Ә бу эш , билгеле, кече яшьтән үк башлана.

   Шул уңайдан бүген һәр класста "Сәламәт гаиләдә - сәламәт бала" дигән темага тәрбия дәресләре үткәрелде. Укучылар сәламәтлекнең ни дәрәҗәдә мөһим икәнлегенә төшенделәр, сәламәтлек турында  тестлар эшләделәр, презентацияләр белән таныштылар.

                  Бәхет нәрсә?

                  Ул, минемчә,һәркөн иртән

          Чыккан кояшны күрү.

            Җиргә үз аягың белән,

            Шатланып басып йөрү,

               Таң нурларында коенып,

       Яшәү рәхәтен тою.

                 Һәрчак сау –сәламәт яшәү,

           Гел шат күңелле булу.

Сәламәт кеше генә бәхетле була ала. Сәламәт һәм бәхетле булыйк!