Безнең мәктәптә зур оешканлык белән “Китап атналыгы” бара . Атналыкның беренче көнендә “Син газетабызны беләсеңме?”,татар халык мәкальләре, “А” хәрефенә башланган җаваплар, “Апрель”, география буенча   викторина сораулары  куелды. Укучыларыбыз бик актив катнаштылар. Викторина сорауларына  дөрес җавап бирүчеләр атналыка йомгак ясаганда билгеле булачак.

 Шулай ук стенага китап турында канатлы сүзләр урнаштырылды. Мәктәп китапханәсе “Китапханәгә яңа китап бүләк ит” акциясе үздырган иде. Бүләк китаплардан күргәзмә оештырылды.

 “Китап-бакча, андагы язулар – шул бакчаның гөлләре”, -ди К.Насыйри. Кем укымый, шул бернәрсә турында да уйламый. Белем алуның иң яхшы юлы –уку. Тиеннәрдән сумнар җыелгандай, укыган бертекләрдән белем туплана. Китап күбрәк укыган саен, үзеңне кызыксындырган сорауларга  җавапны табасың, башка китапта ничегрәк ачылды икән дип, уйлана башлыйсың.

  8 апрель көнне безнең мәктәптәбебез китапханәсе сихри дөньяга әверелде.  “Беләге юан берне егар, белеме булган меңне егар” – 7 сыйныф укучылары белән интеллектуаль уен үткәрде. Уенны ике командага “Зирәкләр” һәм “Тапкырлар” командасына бүленеп башкардылар. Уенга берничә төрдәге номинациядә “Бәхетле очрак”, “Нәрсә?Кайда?Кайчан?”, ”Могҗиза кыры”, “Йолдызлы сәгать”, “Чит ил әдәбиятын беләсеңме?”  кертелгән иде.Укучыларыбыз үзләренең белемнәрен әлеге бәйгедә күрсәттеләр. Бу  уенда “Зирәкләр” командасы җиңүче дип табылды. Ә “Тапкырлар” командасы үзләренең белемнәрен артыру өстендә эшләргә кирәклегенә төшенделәр.