Тел дигән дәрья бар, 
Дәрья төбендә мәрҗән бар. 
Белгәннәр чумып алыр, 
Белмәгәннәр  карап калыр. 
Татар теле – туган тел, 
Безнең газиз булган тел 
Әти-әни, әби-бабай 
Безне сөя торган тел. 
      21 февраль – Халыкара туган тел көне. Дөньяда 7000 гә якын тел бар. Шуларның 83е киң таралган. Ә 383 тел бөтенләй юкка чыгарга мөмкин. Мәсәлән Силец Дини телендә 1 кеше, Африка урманнарында яшәүче ючи кабиләсе телендә 5 кеше генә сөйләшә. 
      Татар теле – ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор. 
      Һәр халыкның туган теле – аның мәдәнияте, тарихи көзгесе. Шуңа да телебез сафлыгы, матурлыгы, аһәңлелеге өчен барыбызга да армый-талмый көрәшергә, эшләргә кирәк.

        Шушы уңайдан бүген  7,11 нче класс укучылары тарафыннан әзерләнгән әдәби кичә (укытучылары - Давлиева Р.К.) үткәрелде.

Рус теле һәм әдәбияты, инглиз теле атналыгы кысаларында мероприятиеләр дәвам итә. Инглиз теле укытучысы Магдеева А.Э. 3-4 нче сыйныф укучылары белән “Веселый английский” дип исемләнгән викторина үткәрде.  7 турдан торган ярыш ахырында 3 нче сыйныф укучылары үзләренең белемнәре көчлерәк икәнен күрсәттеләр.