Дуслар кирәк

Әби белән бабай әйтә:

«Имин булсын еллар, - ди, -

Чын дусларча аралашсын

Җир шарында илләр», - ди.

Дуслар булса, авыр түгел

Егылгач та торырга.

Дуслар белән генә мөмкин

Яхшы тормыш корырга.

Һава салкыная бара,
Аяк басабыз көзгә.
Сары төстә яфраклар да
Чалына инде күзгә.
Хушлаштык ямьле җәй белән,
Үтте дә каникуллар.
Бүген бәйрәм – белем көне,
Бакчага илтә юллар.

Син атлаган юлларга
Алтын яфрак сибелә.
Чыңлый көмеш кыңгырау,
Дәшеп белем иленә.

Бик күп нәрсә белерсең син
Туган илең турында.
Син бит хәзер бик зур кеше –
Әлифбаң бар кулыңда.

Белем көне белән, дустым,
Омтыл һәр көн белемгә!
Җиһанның бар төсмерләре
Чагыла уку-гыйлемдә!

Сәламәтлегебезнең нинди булуы нәрсә белән туклануыбызга бәйле. Шуңа күрә ризык тәмле генә түгел, ә файдалы да булырга тиеш. Файдалы булган ризыкларга иң беренче яшелчәләр, җиләк - җимешләр керә. Балалар белән бакчада үсә торган яшелчәләр турында сөйләштек, яшелчәләр төшерелгән картинкалар, яшелчә муляжларын карадык.  «Яшелчәләр банкасы», «Нәрсә артык?» дидактик уеннарын уйнадык . Ахырдан яшелчә муляжларын кулланып «Яшелчәләр кибете» уенын уйнадык. Балалар «яшелчәләр» кибетенә киләләр һәм үзләренә ошаган яшелчәне сатып алалар.